काठमाडौं- नेपाल सुपर लिग (एनएसएल)को फाइनल प्रवेशका लागि मंगलबार काठमाडौं रेजर्स र धनगढी एफसी भिड्ने भएका छन्। आजको खेलमा पराजित हुने टोलीले पुनः फाइनलका लागि खेल्न पाउने छ।
यसका लागि आज पराजित हुने टोलीले तेस्रो र चौथो स्थानको टोलीबीच हुने खेलको विजेतालाई पराजित गर्नुपर्ने छ। लिगको तेस्रो स्थानमा ललितपुर सिटी एफसी र चौथो स्थानमा बुटवल रहेको छ।
ललितपुर र बुटवलबीचको खेलको विजेता टोलीले आज हुने खेलको पराजित टोलीसँग फाइनल प्रवेशका लागि भिड्नुपर्ने छ।
दशरथ रङ्गशालामा आजको खेल साँझ साढे ५ बजे शुरु हुने छ। लिग चरणमा ६ खेलमा १३ अंक जोड्दै काठमाडौं पहिलो तथा १० अंक जोडेर धनगढी दोस्रो भएको थियो।
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।