काठमाडौं- प्रधानमन्त्री केपी शर्मा ओलीले बोलाएको सर्वदलीय बैठकमा उपनिर्वाचनदेखि एमसीसीसम्मका विषयमा चर्चा भएको छ।
बैठकमा सहभागी कांग्रेसका वरिष्ठ नेता रामचन्द्र पाैडेलका अनुसार प्रधानमन्त्रीले कोभिडको प्रभाव बढेकाले के गर्ने भनेर नेताहरुसँग सुझाव मागेका थिए।
'सर्वदलीय बैठकमा प्रधानमन्त्रीले कोभिडकै बारेमा के गर्ने भनेर विषय राख्नुभयो। रिक्त पदहरुको उपनिर्वाचनको बारेमा कुरा राख्नुभयो। त्यस्तै, एमसीसी कसरी पास गर्ने सम्बन्धमा सहमतिका कुराहरु गर्नुभयो। प्रधानमन्त्री अहिलेका यिनै विषयहरुमा राष्ट्रिय सहमति कसरी बनाउने भनेर भन्दा हामीले हाम्रो कुराहरु राख्यौं,' पौडेलले भने।
पौडेलले आफूहरुले कोभिड रोकथामका लागि लकडाउन गर्नुहुन्न भन्ने धारणा राखेको बताए। 'कोभिडको बारेमा सरकार अरु गम्भीर हुनुपर्यो,' उनले बैठकमा राखेको धारणा सुनाए, 'लकडाउनभन्दा रोकथामतिर जानुपर्छ। र, कोभिडको निवारण, रोकथाम र उपचारका लागि सरकारले आइसोलेसन सिट आवश्यक मात्रामा बढाएर राख्नुपर्छ। रोकथामका विधिहरुमा सरकारले ध्यान दिएर जनतालाई सचेत बनाउनुपर्छ।'
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
