काठमाडाैं– अमेरिकाले साउदी अरबका पत्रकार जमाल खाशोग्गीको हत्या अनुसन्धानको रिपोर्ट सार्वजनिक गर्ने तयारी गरेको छ।
आगामी बिहीबार खशोग्जी हत्याको अनुसन्धान रिपोर्ट सार्वजनिक गर्न सक्ने बीबीसीले जनाएको छ। अनुसन्धान रिपोर्ट तयार पार्न अमेरिकी गुप्तचर विभाग सीआईएले मुख्य भूमिका निर्वाह गरेको बताइएको छ।
रिपोर्टमा साउदी युवराज मोहम्मद विन सलमानलाई हत्याकाे जिम्मेदार ठहर्याइएको अनुमान गरिएको छ।
अमेरिकी राष्ट्रपति जो वाइडेनले यो रिपोर्ट पढिसकेकाे जनाइएको छ र उनले यसबारेमा युवराज सलमानसँग कुराकानी पनि गर्ने बताइन्छ।
‘वाइडनले यो हत्याको रिपोर्ट पढिसकेका छन् र उनले यसबारेमा साउदी अरबका युवराज सलमानसँग कुरा गर्ने तयारी गरेका छन्,’ बीबीसीले लेखेको छ।
पूर्व राष्ट्रपति डोनाल्ड ट्रम्पको पालामा साउदी अरब र अमेरिकाबीच नजिकको सम्बन्ध थियो। वाइडनले भने साउदीसँगको सम्बन्धलाई नयाँ सिराबाट अघि बढाउन चाहेका छन्।
साउदी अरबका कट्टर आलोचक मानिने खाशोग्गी एक चर्चित पत्रकार तथा लेखक हुन्। उनी ‘अल अरब’ न्यूज च्यानलका पूर्व प्रधान सम्पादकसमेत हुन्।
खाशोग्गी सन् २०१७ सेप्टेम्बरमा साउदी अरबबाट भागेर अमेरिका पुगेका थिए। उनले देशबाहिरबाटै साउदी अरब सरकार र युवराज सलमानको आलोचना गर्दै लेखहरु लेख्दै आएका थिए।
उनले पछिल्लो समय ‘द वासिङटन पोस्ट’मा नियमित स्तम्भ लेख्दै आएका थिए। आफ्नो पूर्वश्रीमतीसँग सम्बन्धविच्छेद गरेका उनी टर्कीको एक महिलासँग विवाह गर्ने तयारीमा थिए।
सम्बन्धविच्छेदको कागजपत्र लिन सेप्टेम्बर २८ मा उनी पहिलोपटक टर्कीस्थित साउदी अरबको वाणिज्य दूतावासमा गएका थिए।
उनलाई त्यहाँबाट फेरि आउन भनिएकाले उनी २ अक्टोबर २०१८ मा टर्कीको राजधानी इस्तानबुलस्थित दूतावास गएका थिए। तर, उनको हत्या भयो। उनको मृत शरिरलाई क्षतविक्षत अवस्थामा रहेको थियो।
खशोग्जीलाई हत्या साउदी राजकुमारले नै गराएको अनुमान छ। सुरुमा साउदी अरबले खशोग्जीको हत्या भएको नै स्वीकार गरेको थिएन।
तर अन्तर्राष्ट्रिय दबावसँगै खशोग्जीको हत्या भएको स्वीकार गरेको थियाे, यसकाे जिम्मा पनि लिएकाे थियाे। तर साउदी राजकुमार सलमानको संलग्नता भने नरहेकाे जनाइएकाे थियाे।
यो घटनामा टर्कीले १८ संदिग्धलाई बुझाउन माग गरेको थियो, जसमा १५ एजेन्ट थिए र उनीहरु हत्याको योजना सफल बनाउन इस्तानबुल पुगेको टर्कीको दाबी थियो । तर साउदीले टर्कीको माग अस्वीकार गरेकाे थियाे।
यस घटनामा साउदी अरबको अदालतले पाँचजनालाई मृत्युदण्डको फैसला सुनाएको भएपनि पछि २० वर्षको जेल सजायमा बदलिएको छ।
साउदी अरबको सरकारी अभियोजक शलान अल-शलानले त्यसबेला भनेका थिए, ‘यो मुद्दामा ती पाँचै जनालाई मृत्यु दण्डको फैसला सुनाइएको छ। किनकी उनीहरु प्रत्यक्ष रुपमा संलग्न थिए।’
यसका साथै अरु तीनलाई २४ वर्षको जेल सजाय सुनाइएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
![सय दिने प्रगति विवरण सार्वजनिक गर्दै प्रधानमन्त्री केपी ओली [प्रत्यक्ष प्रसारण]](https://nepallive.net/uploads/posts/500X300/kllllllllll-1729675876.jpg)
![Nepal Live Samachar नेपाल लाइभ समाचार, भदौ १९ [भिडियाे]](https://nepallive.net/uploads/posts/500X300/samachar++-1725458095.jpg)
![प्रधानमन्त्रीसँग प्रश्नोत्तर [प्रत्यक्ष प्रशारण]](https://nepallive.net/uploads/posts/500X300/PMM-(1)-1718866650.jpg)
![भारत भ्रमणबारे प्रतिनिधि सभा बैठकमा जवाफ दिँदै प्रधानमन्त्री प्रचण्ड [प्रत्यक्ष प्रशारण]](https://nepallive.net/uploads/posts/500X300/prachanda-sansad-1710309847.jpg)
![Nepal Live Samachar नेपाल लाइभ समाचार, जेठ ३० [भिडियाे]](https://nepallive.net/uploads/posts/500X300/samachar++-copy.jpg-30-1718203418.jpg)
