मेक्सिको सिटी- बेलिजका प्रधानमन्त्री जोनी ब्रिसेनोलाई कोरोना सङ्क्रमण पुष्टि भएको छ। प्रधानमन्त्रीको कार्यालयले सोमबार वक्तव्य जारी गर्दै उनी कोरोना भाइरसबाट सङ्क्रमित भएको जानकारी दिएको हो।
‘प्रधानमन्त्री ब्रिसेनो कोरोना सङ्क्रमित भएपछि अहिले आइसोलेसनमा बसेका छन्,’ प्रधानमन्त्री कार्यालयद्वारा जारी वक्तव्यमा लेखिएको छ। कार्यालयका अनुसार उनी आगामी दुई हप्तासम्म आइसोलेसनमै बस्नेछन्। त्यसपछि उनले पुनः परीक्षण गर्ने कार्यालयले जनाएको छ।
जोन्स हप्किन्स विश्वविद्यालयले सार्वजनिक गरेको विवरण अनुसार बेलिजमा अहिलेसम्म पाँच हजार १८३ जना कोरोना भाइरसबाट सङ्क्रमित भएका छन्। त्यसैगरी कोरोनाकै कारण बेलिजमा अहिलेसम्म ११६ जनाको मृत्यु भएको पनि विश्वविद्यालयले जानकारी दिएको छ।
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।