बजार खुलेको पहिलो दिन १२ दशमलव ८७ अंकले घट्यो नेप्से

बैंक/बिमा/सेयर

नेपाल लाइभ सोमबार, असार १५, २०७७ १५:३२

काठमाडौं- लकडाउनपछि सोमबार पहिलोपटक खुलेको नेपाल स्टक एक्सचेन्ज (नेप्से) परिसूचकमा १२ दशमलव ८७ अंकले घटेको छ।
नेप्सेमा सोमबार १ दशमलव ०७ प्रतिशतको गिरावट देखिएपछि परिसूचक १ हजार १ सय ८८ दशमलव ८७ अंकमा कायम भएको छ।

सोमबार ३० वटा कम्पनीको ९ लाख ७० हजार कित्ता सेयर ४ हजार ८ सय ६२ पटक खरिद/बिक्री हुँदा ३४ करोड ७७ लाख ७१ हजार ८ सय ३३ रुपैयाँ बराबरको कारोबार भएको नेप्सेले जनाएको छ।

सोमबार जीवन बीमा, व्यापार, उत्पादन र अन्य समूहको उपसुचक क्रमशः २३७.६२, ३९.३४, १०२.९८ र २०.०६ अंकले बढेको छ भने बाँकी सबै समूहको उपसूचक घटेको छ। सबैभन्दा धेरै निर्जीवन बीमा समूहको उपसुचक १०१.४६ अंकले घटेको छ।

सोमबार सबैभन्दा धेरै हिमालय डिस्टिलरी लिमिटेडको ३ करोड ४३ लाख ६८ हजार रुपैयाँ बराबरको सेयर कारोबार भएको छ। कारोबार भएका सेयर संख्याको आधारमा भने नेपाल बैंक लिमिटेडको ६६ हजार ४ सय ७२ कित्ता सेयर किनबेच भएको छ। सबैभन्दा बढी नागरिक लगानी कोषका लगानीकर्ताले प्रतिकित्ता ९ दशमलव ९९ प्रतिशतका दरले कमाएका छन् भने सबैभन्दा धेरै गुमाउनेमा स्वाबलम्बन लघुवित्त वित्तीय संस्था लिमिटेडका लगानीकर्ताले प्रतिकित्ता ९ दशमलव ९९ प्रतिशतका दरले गुमाएका छन्।

सोमबार सेयर बजार खुलेको ४० मिनेटमा नकारात्मक सर्किट ब्रेक लागेपछि २० मिनेटका लागि कारोबार बन्द गरिएको थियो। परिसूचक १ हजार १ सय ५० दशमलव ५५ अंकको बिन्दुसम्म झरेको भएपनि बिस्तारै सम्हालिएर १ हजार १ सय ८८ अंकको बिन्दुसम्म पुगेको थियो।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

मधेश सरकारले आज बलिदानी दिवस मनाउँदै

दुई सय बढी बालबालिका विद्यालय जान छाडे

निफमा ४० देशका ८७ फिल्म देखाइने