विराटनगर महानगरले घटायो बजेटको आकार, आगामी आवमा ३ अर्ब ३७ करोड विनियोजन

अर्थ समाचार

नेपाल लाइभ बुधबार, असार १०, २०७७ १५:१८

काठमाडौं– विराटनगर महानगरपालिकाले आगामी आर्थिक वर्ष २०७७/०७८को बजेट सार्वजनिक गरेको छ। महानगरले कुल ३ अर्ब ३७ करोड ८१ लाख १० हजार रुपैयाँको बजेट ल्याएको हो। आगामी आर्थिक वर्षका बजेट चालू आवको भन्दा कम रहेका छ।

महानगरपालिकाले कोभिड–१९का कारण स्रोतमा संकुचन आउने प्रक्षेपण सहित बजेटको आकार घटाएको हो। बुधबार बसेको छैठौं नगरसभाले चालू आवको भन्दा आगामी आर्थिक वर्षको लागि २ अर्ब ५२ करोड ९३ लाख भन्दा कम आकारको बजेट ल्याएको हो।

चालू आर्थिक वर्षका लागि महानगरले ५ अर्ब ९० करोड ७४ लाख ४७ हजार ७ सय ५० रुपैयाँको बजेट प्रस्तुत गरेको थियो।

महानगरपालिकाले पुँजीगत खर्चतर्फ १ अर्ब ७१ करोड ७९ लाख ६५ हजार रुपैयाँ र प्रशासनिक खर्चतर्फ ३४ करोड १९ लाख ५० हजार, सामाजिक सुरक्षाका लागि ३६ करोड रुपैयाँ खर्च हुने गरी बजेट ल्याएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

सदनमा सशक्त रुपमा प्रस्तुत हुन अध्यक्ष प्रचण्डको निर्देशन

नेपालगञ्जस्थित भेरी अस्पतालबाट मिर्गौला प्रत्यारोपण सेवा सुरु

रास्वपा संसदीय दलको बैठक बस्दै