प्युठान- भारतबाट फर्किएर प्युठानको एक क्वारेन्टाइनमा बसेकी गर्भवतीले शिशु जन्माएकी छन्। मल्लरानी गाउँपालिका–४ स्थित जनजागृति माध्यामिक विद्यालय कसेरीमा क्वारेन्टाइनमा बसेकी १८ वर्षीया सीता खड्काले छोरा जन्माएकी हुन्।
क्वारेन्टाइनमा सुत्केरी व्यथा लागेपछि उनलाई प्राथमिक स्वास्थ्य केन्द्र खलङ्गामा ल्याइएको थियो। स्वास्थ्य केन्द्रमै मंगलबार बिहान करीब ८ बजे उनी सुत्केरी भएकी गाउँपालिकाका स्वास्थ्य शाखा प्रमुख पारस शाहीले बताए। आमा र शिशु दुवैको स्वास्थ्यावस्था सामान्य रहेको जनाइएको छ।
खड्काको आरडिटी रिपोर्ट नेगेटिभ आएको छ। पिसिआर लिने नलिने विषयमा छलफल भइरहेको स्वास्थ्य शाखा प्रमुख शाहीले बताए। खड्का आफ्ना श्रीमानसँग यही असार १ गते भारतबाट आएर क्वारेन्टाइनमा बसेकी थिइन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1774336446-1774337130.jpeg)
-1764146706.png)
