१० महिनामा २८ करोडको २१ लाख केजी बेसार आयात

अर्थ समाचार

नेपाल लाइभ सोमबार, असार ८, २०७७ २१:५९

काठमाडौं- चालु आर्थिक वर्षको पहिलो १० महिनामा २१ लाख ७९ हजार ८५७ किलोग्राम बेसार आयात भएको छ। भारतसहितका देशबाट नेपालमा यो परिमाणमा बेसार आयात भएको हो।

भन्सार विभागको तथ्यांकअनुसार ताजा बेसार (नपिसिएको) १ लाख ५ हजार २९ किलोग्राम आयात भएको छ। यसैगरी धुलो बेसार २ लाख २५ हजार ७४१ किलोग्राम आयात भएको विभागको तथ्यांकमा उल्लेख छ।

भन्सारको वर्गीकरणअनुसार अन्य बेसार १८ लाख ४९ हजार ८७ किलोग्राम आयात भएको छ।

विभागका अनुसार यो अवधिमा २७ करोड ९५ लाख ११ हजार रूपैयाँको बेसार आयात भएको छ। यसबापत २ करोड ७८ लाख रूपैयाँ राजस्व संकलन भएको पनि विभागले जनाएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

नेपालगञ्जस्थित भेरी अस्पतालबाट मिर्गौला प्रत्यारोपण सेवा सुरु

रास्वपा संसदीय दलको बैठक बस्दै

सुदीपको शव बुटवल ल्याइयो, आजै अन्त्येष्टि गर्ने तयारी