लकडाउनयता ३४ अर्बले घट्यो कर्जा लगानी, असार पहिलो साता निक्षेप १८ अर्बले बढ्यो

कोरोना अपडेट

नेपाल लाइभ सोमबार, असार ८, २०७७ १५:१३

काठमाडौं- नेपाल सरकारले कोरोना संक्रमण रोकथाम तथा नियन्त्रणका लागि गरेको लकडाउनका कारण कर्जा विस्तार दिन प्रतिदिन खुम्चिन थालेको छ।

असार पहिलो सातामा मात्रै वाणिज्य बैंकको कर्जा लगानी ५ अर्ब रुपैयाँले घटेको छ। कर्जा विस्तार क्रमशः घट्दै गर्दा निक्षेप संकलन भने बढिरहेको छ। असार पहिलो सातामा मात्रै निक्षेप संकलन १८ अर्ब रुपैयाँले बढेको छ।

असार पहिलो सातासम्ममा वाणिज्य बैंकहरुले ३२ खर्ब ९४ अर्ब रुपैयाँ निक्षेप संकलन गरी २८ खर्ब ११ अर्ब रुपैयाँ कर्जा लगानी गरेको छ। लकडाउन सुरु भएदेखि नै कर्जा लगानी क्रमशः घटिरहेको छ। यस अवधिमा मात्रै ३४ अर्ब रुपैयाँले घटिसकेको छ।

असार महिना क्लोजिङको महिना भएकाले बैंकहरुले कर्जा विस्तारलाई खासै ध्यान दिएका हुदैनन्। गएका वर्षको असार महिनामा पनि कर्जाको वृद्धिदर न्यून रहेको छ। वैदेशिक रोगारमा गएका नेपालीले पठाएको रेमिट्यान्सको कारणले बैंकहरुको निक्षेप लगातार बढिरहेको छ।

तत्कालका लागि बैंकमा पैसा थुप्रिए पनि लकडाउन खुलेसँगै कर्जा लगानीको ढोका खुल्नेछ। बैंकहरुले लकडाउन खुला भएसँगै कर्जाको माग बढ्ने अनुमान गर्दै आएका छन्।

लक डाउन अवधिमा कर्जा लगानी र विस्तार:

वाणिज्य बैंकको कर्जा लगानी र निक्षेप संकलन (रु. अर्बमा)
महिना	मिति	निक्षेप संकलन			कर्जा लगानी
महिना	मिति	LCY	FCY	जम्मा	LCY	FCY	जम्मा
चैत	30/12/2076	3052	137	3189	2748	98	2845
वैशाख	12/01/2077	3063	131	3194	2744	97	2841
	19/01/2077	3072	129	3200	2744	96	2841
	26/01/2077	3081	133	3214	2739	97	2836
जेठ	02/02/2077	3086	133	3219	2731	98	2829
	09/02/2077	3096	131	3226	2730	100	2830
	16/02/2077	3109	128	3237	2731	101	2832
	23/02/2077	3120	127	3247	2617	206	2824
	30/02/2077	3143	133	3276	2715	101	2816
असार	05/03/2077	3165	129	3294	2710	101	2811

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

करको बक्यौता उठाउन घरघरमा पत्र

मधेश सरकारले आज बलिदानी दिवस मनाउँदै

दुई सय बढी बालबालिका विद्यालय जान छाडे