काठमाडौं–जनता समाजवादीका नेता तथा पूर्व प्रधानमन्त्री डा बाबुराम भट्टराईले वैवाहिक नागरिकतामा विदेशी महिला र पुरूषलाई फरक मापदण्ड नराख्न सुझाव दिएका छन्।
लैंगिक विभेद देखिनु न्याय र लोकतन्त्रसम्मत नभएको जनाउँदै नेता भट्टराईले ‘बाबु वा आमा’बाट नागरिकता भने पनि आमाबाट नागरिकता नदिने प्वालहरू रहेको उल्लेख गरेका छन्।
तेश्रो लिंगीलाई स्वघोषणाबाटै पहिचानसहितको नागरिकता प्रदान गर्नुपर्ने भट्टराइले ट्वीटमार्फत् सुझाव दिएका छन्।
वैवाहिक अंगीकृत नागरिकताको प्रावधानका विषयमा बहस भइरहेका बेला नेता भट्टराईले उक्त सुझाव दिएका हुन्। राज्यव्यवस्था समितिले विधेयकका विवादित विषयलाई आइतबार टुंगाउन लागेको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
