एजेन्सी- जापानमा कोरोना भाइरसको खतराका कारण बन्द गरिएका आर्थिक गतिविधिहरु पुनः सुचारु गर्न थालिएको छ। व्यापार व्यवसाय सञ्चालनका लागि सरकारी तवरबाट आग्रह गरिएको तर जबरजस्ती भने नगरिएको अधिकारीहरुले जनाएका छन्। रेस्टुरेन्टहरूलाई सकेसम्म धेरै सिटहरू कोठाभन्दा बाहिर बनाउन सुझाव दिएको पनि जनाइएको छ।
कोरोना भाइरसको जोखिम अझै पनि उत्तिकै रहेकाले जुनसुकै गतिविधि गर्दा पनि सामाजिक दूरी कायम गरेर मात्रै गर्न चिकित्सकहरुले आग्रह गरेका छन्। विश्वभरी नै नयाँ सामान्यतालाई ख्याल गर्दै पुरानै अवस्थामा फर्किने क्रम सुरु भइसकेकाले जापानमा पनि सतर्कता र सन्तुलनलाई ध्यान दिन लगाइएको छ।
कोरोना भाइरससँग डराएर लामो समयसम्म आर्थिक गतिविधिहरु बन्द गर्दा पर्याटन, निर्यातसँगै साना व्यापार व्यवसायहरुलाई धेरै मर्का परेको पाईएको छ। जापानमा अन्य कतिपय देशहरुमा झैं लकडाउन अति कडाइका साथ लागू नगरिएकाले कोरोना भाइरसको खतरा र त्यसले क्षति गर्न सक्ने सम्भावना अझै पनि रहेकाले त्यसलाई ध्यान दिनैपर्ने अर्थविद्हरुले पनि बताएका छन्।
जापानले कतिपय वस्तु तथा सेवाहरु निर्यात गर्ने देशहरुमा पनि अझै सामान्य अवस्था नआएको र आवतजावत गर्न वा ढुवानी गर्न नपाइएकाले अर्थतन्त्रमा असर भने परिरहेको उनीहरुको भनाइ छ।
अर्थविद्हरूले जापानको अर्थतन्त्र तत्कालै र सजिलै सुधार हुने अवस्थामा नरहेको पनि विश्लेषण गरेका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1786513116.png)
