मरिच आयात खुला, छोकडा, केराउ र मदिरा आयातमा प्रतिबन्ध कायमै

अर्थ समाचार

नेपाल लाइभ शुक्रबार, असार ५, २०७७ १५:१६

काठमाडौं- सरकारले प्रतिबन्धित मरिच आयात खुलाउने निर्णय गरेको छ। अर्थ एवं संचार तथा सुचना प्रविधिमन्त्री डा युवराज खतिवडाले शुक्रबार मन्त्रिपरिषद निर्णय सुनाउँदै औद्योगिक प्रयोजनका लागि कच्चा पदार्थका रुपमा प्रयोग हुने मरिच आयात प्रतिबन्ध फुकुवा गरिएको बताए।

सरकारले उद्योग, वाणिज्य तथा आपूर्ति मन्त्रालयको प्रस्तावमा निकासी तथा पैठारी ऐन २०१३ को दफा ३ को उपदफा २ बमोजिम २०७६ चैत २४ गतेको राजपत्रमा मरिच, केराउ, छोकडा, मदिरालगायत वस्तुहरुको आयात प्रतिबन्ध लगाएको सूचना प्रकाशित गरेको थियो। अर्थमन्त्री खतिवडाका अनुसार राजपत्रमा औद्योगिक प्रयोजनका लागि कच्चा पदार्थका रुपमा मरिच आयात खुलाउने प्रतिबन्धात्मक वाक्यांश थप भएको बताए।

‘औद्योगिक कच्चा पदार्थको रुपमा आवस्यक पर्ने मरिच सम्बन्धित उद्योगको क्षमता र खपतका आधारमा उद्योग विभागले प्रमाणित गरेको परिमाण बराबर उद्योग आफैले आयात गर्न सक्नेछ,’ खतिवडाले सरकारको निर्णय सुनाउँदै भने, ‘तर छोकडा, केराउ र मदिरालगायत वस्तुको आयातमा भने प्रतिबन्ध कायम नै रहेको छ।'

मरिच आयातमा प्रतिबन्ध लगाउँदा चोरी निकासी बढेको र मरिचमा आधारित उद्योगलाई कच्चा पदार्थ जुटाउन समस्या देखिएका कारण सरकारले यस्तो निर्णय गरेको मन्त्री खतिवडाको भनाई छ।

‘मरिच पूर्ण प्रतिबन्धित थियो, तर चोरी निकासी हुने गरेको र औद्योगिक कच्चा पदार्थका रुपमा मरिच प्रयोग गर्न नपाएका कारण ती उद्योगहरु संचालन हुन सकेनन। त्यसकारण मरिचलाई कच्चा पदार्थको रुपमा प्रयोग गरेर आफ्नो औद्योगिक उत्पादन गर्ने उद्योग आफैले आयात गर्न पाउने छन। त्यो सम्बन्धित निकायको स्वीकृतीमा मात्रै आयात गर्न पाउने र उनीहरुको क्षमताको आधारमा मात्रै आयात अनुमति दिईनेछ,’ खतिवडाले सरकारको निर्णय सुनाउँदै भने।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

ज्यान मार्ने उद्योगमा दीपक मनाङेलाई पाँच वर्ष कैद

साउदी अरबमा भीषण हिमपात‚ हिउँले भरिए मरुभूमि

७ वर्षमा पूरा भयो चिलिमे-त्रिशूली प्रसारण लाइन