एजेन्सी- पाकिस्तानमा कोरोना भाइरसबाट सङ्क्रमित हुनेको सङ्ख्या एक लाख ६० हजार नाघेको छ।
त्यसैगरी मृत्यु हुनेहरुको सङ्ख्या ३ हजारभन्दा बढी भएको पनि अधिकारीहरुले बिहीबार जानकारी दिएका छन्।
स्वास्थ्य मन्त्रालयका अधिकारीहरुका अनुसार कुल सङ्क्रमितमध्ये ५९ हजार २ सय १५ जना सङ्क्रमणमुक्त भएका छन्।
पाकिस्तानमा अहिलेसम्म कुल नौ लाख ८२ हजार १२ जनाको कोरोना परीक्षण गरिसकिएको छ। तीमध्ये ३१ हजार ५०० जनाको परीक्षण पछिल्लो २४ घण्टामा गरिएको हो।
स्वास्थ्य अधिकारीहरूले पाकिस्तानमा अहिलेसम्म कुल सङ्क्रमितको सङ्ख्या एक लाख ६० हजार १ सय १८ रहेको जनाएका छन्।
त्यसैगरी कोरोना भाइरसबाट सङ्क्रमित भएर पाकिस्तानमा अहिलेसम्म कुल ३ हजार ९३ जनाको मृत्यु भएको उनीहरुले जानकारी दिएका छन्।
पाकिस्तानमा सबैभन्दा धेरै सङ्क्रमित पन्जाब प्रदेशका छन्। पन्जाबमा अहिलेसम्म ६० हजार १ सय ३८ जना सङ्क्रमित भएको अधिकारीहरुले जनाएका छन्।
त्यसैगरी सिन्ध प्रान्तमा ५९ हजार ९ सय ८३ जना सङ्क्रमित रहेका छन्।
खैबर पाख्तुख्वामा १९ हजार ६ सय १३ जना, केन्द्रीय राजधानी रहेको इस्लामावादमा नौ हजार ६३७ जना, बालुचिस्तानमा आठ हजार ७ सय ९४ जना, गिल्गित बाल्टीस्तानमा एक हजार २ सय १३ जना र पाकिस्तान नियन्त्रीत काश्मिरमा ७ सय ४० जना सङ्क्रमित भएका छन्।
विश्वभरि नै कोरोना भाइरसविरुद्धको औषधि किटान भइनसकेको भन्दै आफ्नै तरिकाले औषधि सेवन नगर्न पनि सरकारी स्वास्थ्य अधिकारीहरुले आह्वान गरेका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
