फाइल तस्बिर
काठमाडौं- नेपाल स्टक एक्सचेन्ज (नेप्से)का प्रमुख कार्यकारी अधिकृत (सिइओ) चन्द्रसिंह साउदले नेप्सेको अनलाइन प्रणाली 'पूर्ण अनलाइन प्रणाली' नभएको भन्ने आरोप झुठो भएको दाबी गरेका छन्। नेप्सेको अनलाइन प्रणालीमा सम्पूर्ण बैंक तथा वित्तीय संस्था नजोडिँदा शेयर कारोबार प्रभावित भएको चर्चा भइरहेका बेला नेप्सेका तर्फबाट साउद यस्तो भनाइ आएको हो। तर लगानीकर्ताले भने नेप्सेको अनलाइन प्रणाली पूर्ण नभएको भन्दै आरोप लगाउँदै आएका छन्।
नेपाल धितोपत्र बोर्डको २८औँ वार्षिकोत्सवको अवसरमा साउदले नेप्सेको अनलाइन प्रणालीका विषयमा नकारात्मक टिप्पणी सुनिँदै आएको बताए। 'अनलाइन प्रयोगकर्ता कम भयो। पूर्ण अनलाइन कारोबार भएन भन्ने कुरा सुनेका छौँ,' सिइओ साउदले भने, 'यी दुवै विषयमा पर्याप्त जानकारी नभएकोले यस्ता किसिमका प्रतिक्रिया आएका छन्।'
२०७५ कार्तिक २० गते अर्थमन्त्री युवराज खतिवडाले नेप्से अनलाइन सिस्टम (नट्स)को उद्घाटन गरेसँगै लगानीकर्ताले अन्तर्राष्ट्रिय स्तरको प्रणाली प्रयोग गर्न पाएका साउदले दाबी गरे। नट्स प्रयोगकर्ता ३० हजार पुगिसकेको साउदले जानकारी दिए।
अन्य देशको तुलना गर्दै उनले भने, 'लगानीकर्ताको संख्या कम भयो भन्ने विषयमा हामीले अनलाइन प्रणाली प्रयोग गर्ने अन्य मुलकमा अध्ययन गर्दा ती देशले सुरुवाती अवस्थामा अनलाइन प्रयोग गरेको भन्दा हाम्रोमा धेरै देखिएको छ।'
शेयर बजारमा तीन लाख लगानीकर्ता छन्। तर सक्रिय लगानीकर्ताको संख्या धेरै कम छ। अनलाइन प्रयोगकर्ता र सक्रिय लगानीकर्ताले गर्ने कारोबारको अनुपात ५० प्रतिशत भन्दामाथि हुने गरेको साउदको दाबी छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1786513116.png)
-1788425345.png)
