काठमाडौं- सरकारको निर्देशनानुसार नेपाली सेनाले चीनबाट जिटुजी प्रक्रियामार्फत खरिद गरेको १० कन्टेनर सामान खासामा आइपुगेको छ।
कोरोना भाइरसको जोखिम हुन नदिन ल्याइएका अतिआवश्यक स्वास्थ्य सामग्री आज सो स्थानबाट तातोपानी नाका हुँदै नेपाल भित्रिने तातोपानी भन्सार कार्यालयका प्रमुख लालबहादुर खत्रीले जानकारी दिए।
शनिबारसम्म काठमाडौँ पठाइने तयारी भएको उनले बताए। सेनाले सो प्रक्रियामार्फत ६७ थरीका स्वास्थ्य सामग्री खरिद गरेको थियो। केही सामान विमानमार्फत ल्याइने जनाइएको छ। रासस
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1763559424.jpg)
