काठमाडौं- दक्षिण कोरियामा बस्ने नेपालीले पठाएको ४ हजार कोरोना परीक्षण किट काठमाडौं आइपुगेको छ। गैरआवासीय नेपाली संघ (आनआरएनए) दक्षिण कोरियाका अध्यक्ष यज्ञराज सुवेदीले शुक्रबार दिउँसो किटलगायतका स्वास्थ्य सामग्री काठमााडौं आइपुगेको जानकारी दिए।
हवाई सेवा बन्द भएकाले केही सामान नेपाल आइपुग्न केही ढिलो भएको उनको भनाइ छ। पहिलो चरणमा दक्षिण कोरियाबाट हजार कोरोना परीक्षण किट ४ हजार थान, ४ हजार थान आरएनए परीक्षण किट, ५ सय थान हाइ सेन्सेटिभ कोभिड किट एचपिपिई कोरियाबाट कोरियन एअरलाइन्सको विशेष चाटरण विमानमार्फत् काठमाडौं जानकारी सुवेदीले दिए। दिउँसो साढे ४ बजे काठमाडौं विमानस्थलमा स्वास्थ्य सामाग्री आइपुगेको हो।
सम्पूर्ण स्वास्थ्य सामाग्री आवश्यक विभिन्न क्षेत्र पहिचान गरी वितरणका लागि नेपाल सरकार स्वास्थ्य मन्त्रालयलाई शनिबार हस्तान्तरण गरिने जानकारी एनआरएनएले जनाएको छ।
हस्तान्तरण गरिएको स्वास्थ्य सामग्री सही ठाँउमा उपयोग होस् र कुनै दुरुपयोग नहोस् भन्ने हेतुले रुद्र शर्माको संयोजकत्वमा ५ सदस्यीय अनुगमन समिती समेत गठन गरिएको थियो।
दोस्रो र अन्तिम चरणको सहयोग चीनबाट नेपाल जाने सामाग्री नेपाल सरकारबाट हुने चार्टर विमानको अभावमा ग्वाङझाउस्थित नेपाली नियोगमा रहेको र अनुकूलता अनुसार नेपाल आइपुग्ने जानकारी दिइएको छ।
नेपालमा कोरोना संक्रमण सुरु भएसँगै किट, पिपिई, सर्जिकल मास्कलगायत अत्यावश्यक सामग्रीको अभाव रहेको अवस्थामा कोरियामा रहेका नेपालीले ७५ लाखभन्दा बढी रकम संकलन गरी सामग्री खरिद गरेर नेपाल पठाएका हुन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1767770856.png)
