काठमाडौं- नेपाल राष्ट्र बैंकले बैंक तथा वित्तीय संस्थाहरुलाई सम्भव भएसम्म वित्तीय कारोबार सुचारु राख्न निर्देशन दिएको छ। नेपाल सरकारले चैत ११ गतेदेखि १८ गतेसम्म मुलुकभर अत्यावश्यक बाहेकका सेवाहरु आवश्यक कर्मचारीमात्र उपस्थित भई सञ्चालन गर्न र सर्वसाधारणलाई घरबाट बाहिर ननिस्कन सूचित गरेको अवस्थामा सर्वसाधारणलाई नगद आवश्यक पर्ने र सोको लागि न्यूनतम बैंकिङ सेवा प्रदान गर्न नेपाल राष्ट्र बैंकले ९ बुँदे निर्देशन जारी गरेको हो।
बैंक तथा वित्तीय संस्थाहरुले विद्युतीय माध्यमबाट हुने कारोबारको सुनिश्चितता प्रदान गरी आफ्ना ग्राहकलाई सकेसम्म विद्युतीय माध्यमबाट कारोबार गर्न सूचित गर्न राष्ट्र बैंकले निर्देशन जारी गरेको छ।
राष्ट्र बैंकले एटिएम मेसिनहरुमा पर्याप्त नगद राख्न र सोको निगरानी गर्ने व्यवस्था मिलाउन बैंक तथा वित्तीय संस्थाहरुलाई निर्देशन गरेको हो।
सबै प्रदेश स्थानीय प्रशासनसँग समन्वय गरी सम्भव भएसम्म निश्चित समयका लागि प्रत्येक स्थानीय तहमा न्युनतम रुपमा शाखा खोली न्युनतम कर्मचारीबाट बैंकिङ कारोबार गर्ने व्यवस्था मिलाउन निर्देशित गरिएको छ।
बैंक तथा वित्तीय संस्थाहरुले आफ्ना शाखा कार्यालयहरुको विवरण तथा सम्पर्क व्यक्तिको फोन नम्बर आफ्नो वेबसाइटमा अध्यावधिक गर्नुको साथै बन्द रहने शाखाको मूल ढोकामा सर्वसाधारणले देख्ने गरी सूचना टास्नु पर्नेछ।
प्रत्येक शाखाको मूल ढोकामा उक्त शाखाबाट प्रदान हुने वा उक्त शाखा बन्द रहेको अवस्थामा सो शाखा वा ग्राहकले बैंकिङ सेवा पाउने शाखा सम्बन्धमा सूचना दिन सम्पर्क व्यक्ति तोकी सम्पर्क नम्बरसहितको विवरण शाखाको मूल ढोका वा सूचनापाटीमा टास्नुपर्नेछ।
बैंक तथा वित्तीय संस्थाहरुलाई भन्सारबाट प्राप्त हुने चेक क्लियरिङको उचित व्यवस्था मिलाउन राष्ट्र बैंकले निर्देशन गरेको छ। बैंक तथा वित्तीय संस्थाहरुले अत्यावश्यक वस्तुहरुको आपूर्तीलाई सुनिश्चितता प्रदान गर्न ड्राफ्ट, टिटी, प्रतितपत्र, ग्यारेन्टीजस्ता कारोबारहरु सञ्चालन हुने व्यवस्था मिलाउनुपर्ने भएको छ।
माइक्रोफाइनान्सहरुले समेत स्थानीय प्रशासनसँग समन्वय गरी काउन्टर मार्फत सम्भव भएसम्म कारोबार सञ्चालन गर्ने व्यवस्था मिलाउन राष्ट्र बैंकले निर्देशन गरेको छ।
बैंक तथा वित्तीय संस्थाहरुले नेपाल राष्ट्र बैंकमा गर्नुपर्ने रिपोर्टिङहरु परिस्थिती सामान्य भई कार्यालय नियमित रुपमा खुलेको सात कार्यदिनभित्र गर्ने व्यवस्था मिलाउनुपर्ने नेपाल राष्ट्र बैंकका कार्यकारी निर्देशक देवकुमार ढकालले जानकारी दिए।
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।
![सय दिने प्रगति विवरण सार्वजनिक गर्दै प्रधानमन्त्री केपी ओली [प्रत्यक्ष प्रसारण]](https://nepallive.net/uploads/posts/500X300/kllllllllll-1729675876.jpg)
![Nepal Live Samachar नेपाल लाइभ समाचार, भदौ १९ [भिडियाे]](https://nepallive.net/uploads/posts/500X300/samachar++-1725458095.jpg)
![प्रधानमन्त्रीसँग प्रश्नोत्तर [प्रत्यक्ष प्रशारण]](https://nepallive.net/uploads/posts/500X300/PMM-(1)-1718866650.jpg)
![भारत भ्रमणबारे प्रतिनिधि सभा बैठकमा जवाफ दिँदै प्रधानमन्त्री प्रचण्ड [प्रत्यक्ष प्रशारण]](https://nepallive.net/uploads/posts/500X300/prachanda-sansad-1710309847.jpg)
![Nepal Live Samachar नेपाल लाइभ समाचार, जेठ ३० [भिडियाे]](https://nepallive.net/uploads/posts/500X300/samachar++-copy.jpg-30-1718203418.jpg)
