काठमाडौं- देशमा फैलिरहेको कोरोना भाइरसको संक्रमण रोक्न सरकारले गरेको 'लकडाउन' जनताले अटेर गरेपछि भारतीय प्रधानमन्त्री नरेन्द्र मोदीले देशवासीका नाममा दोस्रो पटक सम्बोधन गर्ने भएका छन्।
आज साँझ ८ बजे देशवासीको नाममा सम्बोधन गर्ने कार्यक्रम छ। उनले ट्विटरमार्पत आफूले सम्बोधन गर्न लागेको जानकारी दिएका हुन्।
एक साताको बीचमा उनको यो दोस्रो सम्बोधन हुने छ।
उनले देशभरी गरिएको 'लकडाउन' पालना नगरेकोमा ट्विटरबाट चिन्ता समेत व्यक्त गरेका छन्।
कोरोना भाइरसको संक्रमण रोक्न विश्वभरका विज्ञहरुले घरमै बस्न सुझाव दिइरहेको तर भारतमा जनताले अटेर गरेको भन्दै निरास हुँदै देशवासीका नाममा पुन सम्बोधन गर्न लागेको सामाजिक सञ्जाल टुइटरमा उल्लेख गरेका छन्।
कोरोना भाइरसले हालसम्म भारतमा ५०० जनामा संक्रमण भएको छ भने १० जनाको ज्यान गएको छ।
संक्रमण फैलदै गएका कारण सरकारले ३० राज्यका ७५ जिल्लामा मार्च ३१ सम्म 'लकडाउन' गर्ने निर्णय गरेको थियो। तर मानिसहरु यसलाई बेवास्ता गर्दै सडकमा सवारीसाधन र पैदलमा हिडिरहेका छन्। मोदीले जनताको यही उल्लंघनलाई ख्याल गर्दै लकडाउन पालना नगरे कानुनी कारबाही हुने भन्दै चेतावनी पनि दिएका थिए।
प्रहरीले के के गर्यो
दिल्ली प्रहरीले 'लकडाउन' उल्लंघन गरेको आरोपमा नौ सयभन्दा धेरै उजुरी दर्ता गरेको छ। दिल्ली प्रहरीले लामो समयदेखि विरोध प्रदर्शन भइरहेको शाहीन बाग, जाफरावाद र अन्य कैयौं स्थानका धर्नाहरु बन्द गराएको छ।
उत्तर प्रदेशमा ५०० भन्दा धेरै मानिसका विरुद्ध प्रहरीले कानुनी कारबाही गरेको छ। नोयडामा २ हजार मानीशको नाममा चिट काटिएको छ। लगभग १०० जनाको विरुद्धमा जाहेरी नै दर्ता भएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
