काठमाडौं– कोरोनाको विपद सामनाका लागि भन्दै सरकारले स्थापना गरेको कोरोना कोषमा सरकारी तथा गैरसरकारी संस्थाहरुले सहयोग गर्ने क्रम बढेको छ।
गत आइतबारको मन्त्रिपरिषद्को बैठकले उक्त कोष स्थापना गर्ने निर्णयसँगै सरकारले उक्त कोषमा ५० करोड रुपैयाँ राख्ने निर्णय गरेको थियो। त्यसपछि सबै मन्त्रीको एक महिनाको तलबसमेत उक्त कोषमा पठाउने निर्णय भएको थियो।
कोषमा राष्ट्रपति विद्यादेवी भन्डारीले दुई महिनाको सेवा सुविधा सहयोग गर्ने घोषणा गरिसकेकी छिन भने उपराष्ट्रपतिले पनि एक महिनाको तलब सहयोग गर्ने घोषणा गरिसकेका छन्। यस्तै, सत्तारुढ दलका सांसदहरुले उक्त कोषमा १५ दिनको पारिश्रमिक उपलब्ध गराउने भएका छन्।
आइतबारदेखि सञ्चालन गरिएको कोषमा नेकपाका सांसदहरुले उपचार रकम जम्मा गर्ने भएका हुन्। वाणिज्य बैंकमा खोलिएको उक्त कोषको खाता नम्बर १९६०००००११०१ रहेको छ।
१ करोड सहयोग गर्नेलाई सम्मान गरिने
यसैबीच, कोषमा १ करोड सहयोग गर्नेलाई सम्मान गरिने भएको छ। सहयोग गर्ने व्यक्ति तथा संस्थालाई सम्मान गर्ने तयारी गरिएको उच्चस्तरीय समितिका संयोजक एवं रक्षामन्त्री इश्वर पोख्रेलको सचिवालयले जनाएको छ ।
हालसम्म सहयोग गर्नेहरु
सरकार –५० करोड
राष्ट्रपति–२ महिनाको तलब
उपराष्ट्रपति–१ महिनाको तलब
राष्ट्रिय सभाका अध्यक्ष–एक महिनाको तलब
मन्त्रीहरु–१ महिनाको तलब सुविधा
व्यवसायी बसन्त चौधरी– ५० लाख नगद र ५० लाख बराबरको औषधि–उपकरण
पूर्व अर्थसचिव रामेश्वर खनाल –एक महिनाको–पेन्सन
ग्लोबल आइएमइ बैंक–एक करोड
नेपाल धितोपत्र बोर्ड–५० लाख
नेपाल बैंक लिमिटेड–१ करोड
प्रधानमन्त्रीका सचिवालयमा कार्यरतबाट ६ जना–एक महिना र ३ जनाले आधा महिनाको तलब
राष्ट्रिय सभाका उपाध्यक्ष–एक महिनाको तलब बराबरको पारिश्रमिक
एनआरएन–एक करोड
निर्माण व्यवसाय विकास परिषद–१ करोड
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1787821306.jpg)
-1786513116.png)
