कोरोना अपडेट

न्यूयोर्कमा कोरोना संक्रमण अन्य सहरको भन्दा पाँच गुणा बढी

नेपाल लाइभ मंगलबार, चैत ११, २०७६ १०:२५

एजेन्सी-अमेरिकाको कोरोनाप्रभावित सहरमध्ये न्यूयोर्कमा मात्रै पाँच गुणा बढी संक्रमित देखिएका छन्। अमेरिकामा नेपाली समय अनुसार मंगलबार दिउँसोसम्म २१ हजार ६ सय ८९ जना संक्रमित फेला परिसकेका छन्ए भने क सय ५७ जनाले ज्यान गुमाइसकेका छन्।

त्यसमध्ये न्यूयोर्कमा मात्रै १३ हजार १ सय १९ जना संक्रमित फेला परेको सिएनएनले जनाएको छ। संक्रमितमध्ये २ हजार २ सय १३ जना अस्पताल भर्ना भएका छन्। त्यसमध्ये पनि ५ सय १३ जना आइसीयुमै उपचाररत छन्।

अमेरिकी राष्ट्रपतिसहित ह्वाइटहाउसमा भएको ब्रिफिङ्ममा स्वास्थ्य विज्ञ डा डेब्रो ब्रक्सले न्यूयोर्कमा कोरोना भाइरसको संक्रमणको दर एक हजारमा एक जनानिकट रहेको बताएका थिए। उनले अमेरिकाको अन्य सहरको तुलनामा न्यूयोर्कमा पाँच गुणा बढी संक्रमित देखिएको खुलाएका थिए।

उनका अनुसार न्यूयोर्कमा गरिएको परीक्षणमा २८ प्रतिशतमा पोजेटिभ देखिएको छ। अमेरिकाको अन्य सहरको परीक्षण रिपोर्टमा ८ प्रतिशतमात्रै पोजेटिभ देखिएको छ।

‘अहिलेको अवस्थामा न्यूयोर्कवासीमा सामाजिक दूरी कायम गर्न र होम आइसोलेसनमा बस्न आवश्यक छ,’ डेब्राको भनाई उदृत गर्दै सिएनएनले लेखेको छ,‘एक सातादेखि भाइरस समुदायमा फैलिइरहेको छ।