काठमाडौं–सरकारका सचिवहरुको बैठकले कोरोना रोकथाम तथा नियन्त्रण उच्चस्तरीय समितिको बैठकले गरेका सम्पूर्ण निर्णय पूर्ण कार्यान्वयनका लागि सम्पूर्ण संरचना प्रयोग गर्ने निर्णय गरेको छ।
प्रधानमन्त्री तथा मन्त्रिपरिषदको कार्यालयमा मुख्यसचिव लोकदर्शन रेग्मीको अध्यक्षतामा बसेको बैठकले उच्चस्तरीय समिति र मन्त्रिपरिषदको बैठकले गरेका सबै निर्णयको पूर्ण कार्यान्वयन गर्ने व्यवस्था मिलाउने निर्णय गरेको एक सचिवले जानकारी दिए।
‘अहिले विभिन्न क्षेत्रबाट सरकारी संयन्त्र प्रयोग गर्नुपर्ने अवस्था छ, त्यसमा सम्पूर्ण सचिवहरुले आफू मातहतका संरचनाको पूर्ण परिचालन गर्ने निर्णय भएको छ,’ ती सचिवले भने।
यसैगरी अत्यावश्यक सेवा सधैँ सुचारु राख्न आवश्यक व्यवस्थापन गर्ने र बाँकी कर्मचारीलाई बिदा दिने निर्णय पनि सचिव बैठकले गरेको छ। यस्तै हरेक मन्त्रालयका उच्च व्यवस्थापन तहमा काम गर्ने कर्मचारीलाई सधैं परिचालन गर्ने निर्णय पनि बैठकले गरेको एक सचिवले बताए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1787821306.jpg)
-1786513116.png)
