वोमी लघुवित्तको मूल्य समायोजनमा नेप्सेको गम्भीर त्रुटि

बैंक/बिमा/सेयर

वोमी लघुवित्तको मूल्य समायोजनमा नेप्सेको गम्भीर त्रुटिमूल्य समायोजनको हिसाब नमिल्दा ११६ रुपैयाँ घाटा

नेपाल लाइभ आइतबार, चैत २, २०७६ १९:११

काठमाडौं–वोमी लघुवित्त वित्तीय संस्थाको मूल्य समायोजनमा नेपाल स्टक एक्सचेन्जले ठूलो गल्ती गरेको छ। नेप्सेले संस्थाको नयाँ रिपोर्ट नहेरि पुरानै सूचनाका आधारमा मूल्य समायोजन गर्दा लगानीकर्ताहरुलाई घाटा लागेको हो।

संस्थाले सार्वजनिक गरेको पुस २० गते तत्कालीन चुक्ता पुँजीको २० प्रतिशत बोनस शेयर र ६ प्रतिशत नगद लाभांस घोषणा गरेको थियो। नेपाल राष्ट्र बैंकले संस्थाले घोषणा गरेको लाभांसलाई अस्वीकृत गर्‍यो।

संस्थाले हकप्रद सहितको पुँजी २५ करोड २५ लाख रुपैयाँका लागि नै बोनस शेयर र नगद लाभांस दिने घोषणा गरेको थियो। तर राष्ट्र बैंकले गत असार मसान्तसम्म कायम चुक्ता पुँजीका लागि मात्रै बोनस शेयर दिन निर्देशन दियो।

राष्ट्र बैंकको निर्देशनपछि संस्थाले असारसम्म कायम चुक्ता पुँजी १० करोड १० लाख रुपैयाँको २५ प्रतिशत बोनस शेयर घोषणा गर्‍यो। यसै आधारमा नेप्सेले १० करोड १० लाख रुपैयाँ शेयर पुँजीमा कायम हुने गरि मूल्य समायोजन गर्नु पर्ने थियो। तर नेप्सेले हाल कायम चुक्ता पुँजी २५ करोड २५ लाख रुपैयाँकै शेयर पुँजीका आधारमा मूल्य समायोजन गर्‍यो।

तर नेप्सेले १० करोड १० लाख रुपैयाँका शेयरधनीहरुलाई आधार मानेर मूल्य समायोजन गर्नुपर्ने थियो। यस आधारमा लगभग १० प्रतिशत बोनस शेयरको मूल्याङ्कन गर्नुपर्ने थियो। यस आधारमा मूल्य समायोजन पछिको मूल्य ९७२ रुपैयाँ हुन आउछ। नेप्सेले हकप्रद पछिको पुँजीमा मूल्य समायोजन गर्दा ८५६ रुपैयाँमा झरेको हो। यस आधारमा लघुवित्तका शेयरधनीहरुले आइतबार ११६ रुपैयाँले गुमाएका छन्। नेप्सेको गल्तीले असार यताका शेयरधनीहरुले ठूलो घाटा बेहोरेका हुन्।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

प्रधानमन्‍त्री ओलीका बुवा अस्पताल भर्ना, फोक्सोमा समस्या

धरहरा चढ्न विद्यार्थी, ज्येष्ठ नागरिक र अपांगता भएका व्यक्तिलाई ५० प्रतिशत छुट

मानव बेचबिखन गर्न लागेको आरोपमा एक जना पक्राउ