काठमाडौं- लक्ष्मी उन्नति कोषले चैत ९ गतेदेखि प्राथमिक इकाई निष्काशन गर्ने भएको छ। लक्ष्मी क्यापिटलले सञ्चालन गरेको लक्ष्मी म्युचुअल फण्डले उक्त इकाई छिटोमा चैत १३ गतेसम्म निष्काशन गर्ने छ।
यदि पहिलो चरणमा बिक्री नभए चैत २३ गतेसम्म निष्काशन गर्नेछ। सर्वसाधारणको लागि प्रति इकाई १० रुपैयाँको दरमा ६ करोड ८० लाख इकाई निष्काशन हुनेछ। न्यूनतम १०० इकाईदेखि अधिकतम ८० लाख इकाईसम्मको लागि आवेदन दिन सकिनेछ।
योजनाको आकार ८० करोड रुपैयाँ रहेको छ। उक्त आकार मध्ये न्युनतम ४० करोड रुपैयाँको बिक्री हुनेपर्नेछ। मागभन्दा बढी आवेदन परेमा एक अर्ब रुपैयाँसम्मको लागि बाँडफाँड गर्न सक्नेछ। लगानीकर्ताले आस्वा सुविधा प्रदान गर्ने सम्पूर्ण बैंक तथा वित्तीय संस्थाका साथै मेरो शेयरमा खाता हुनेले अनलाइन आवेदन दिन सक्नेछन्।
लक्ष्मीले यस भन्दा अगाडि लक्ष्मी भ्यालु फण्ड एक र लक्ष्मी इक्वीटी फण्डको निष्काशन गरेर सञ्चालन गरिरहेको छ। लक्ष्मी उन्नती कोषले आगामी ५ वर्षको अवधिमा क्रमश ११, १२, १२, १५ र १५ प्रतिशत लगानीमा प्रतिफल दिन सकिने प्रक्षेपण गरेको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
