एजेन्सी- पप सुपरस्टार केटी पेरी र उनका हुनेवाला श्रीमान् अर्लान्डो ब्लुम पहिलो बच्चाको तयारीमा छन्। सुपरस्टार पेरीले आफू गर्भवती रहेको खबर उनले भर्खरै रिलिज म्युजिक भिडियोबाट सार्वजनिक गरेकी छन्। चार मिनेटको म्युजिक भिडियोको अन्तिम फ्रेममा उनी पेटमा हुर्किरहेको गर्भलाई सुमसुम्याइरहेको अवस्थामा देखिन्छिन्।
यसअघि रसले ब्रान्डसँग विवाह गरेर ब्रेकअप गरेकी उनी चार वर्षदेखि ब्लुमको प्रेममा छिन्। इन्स्टाग्राममा पेरीले आफ्नो जोडी उत्साहित र खुशी रहेको उल्लेख गरेकी छन्।
पेरीले म्युजिक भिडियो मार्फत् गर्भवती रहेको बताउनुको अर्थ समेत खोलेकी छन्। उनी भन्छिन्, ‘म तपाईंहरुलाई सबै कुरा बताउन चाहन्थें तर मलाई ज्ञान भयो संगीतको अंशबाट प्रस्तुत गर्नु सबैभन्दा उत्तप विकल्प हुनसक्छ।’
यसअघिकी ब्लुमकी पत्नी अष्ट्रेलियन मोडेल मिरान्डा केरको गर्भबाट जन्मिएका ९ वर्षका छोरा छन्। उनले सन् २०१९ को फेब्रुअरीमा पेरीलाई विवाहको प्रस्ताव गरेका थिए। यो वर्ष विवाहको योजना बनाएपनि एक वर्षपछि धकेलिएको केही सञ्चारमाध्यमले जनाएका छन्।
कोरोना भाइरसको त्रासका कारण सन् २०२१ मा उनीहरु एक हुनेछन्। त्यतिबेला विवाह गर्दा उनीहरुको सन्तान जन्मिसकेको हुनेछ।
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।