काठमाडौं- गोल्यान समूहको मुख्य लगानी रहेको पाँचतारे होटल हायात प्यालेस साउनदेखि फुल फ्लेजमा सञ्चालनमा आउने भएको छ। लक्षित मितिभन्दा करिब चार महिना ढिलो गरी सञ्चालनमा आउने होटलको लगानी अनुमानित भन्दा १२ प्रतिशतले बढेको सो समूहले जनाएको छ।
होटलमा १ सय ५३ कोठा छन्। यसका साथै रेस्टुरेन्ट, बैंक्युट, फिटनेस सेन्टर, स्पा र स्विमिङ पुलको सुविधा रहेको होटलले जनाएको छ। उक्त होटलको लागत ३ अर्ब १४ करोड रुपैयाँ रहेको छ।
चैत-बैशाखबाटै पूर्ण रूपमा सञ्चालन गर्ने योजना भए पनि निर्माण कार्यमा ढिलाइ हुँदा निर्माण लागत, कन्सलटेन्सी डिजाइन खर्च, भवन निर्माणका विविध खर्च बढेको हो। होटल काठमाडौंमा खुल्न लागेको हो।
एक अर्ब ९५ करोड रुपैयाँ ऋण र ७८ करोड ५० लाख रुपैयाँ सेयर पुँजीबाट उठाएको छ। कम्पनीको हालसम्मको ऋण एक अर्ब ९५ करोड रुपैयाँ भए पनि बैंकबाट दुई अर्ब ३९ करोड रुपैयाँको ऋणको रेटिङ गराएको छ।
रेटिङ गरिएको ऋण मध्ये २ अर्ब ३१ करोड रुपैयाँको दिर्घकालीन कर्जा र ८ करोड रुपैयाँ अल्पकालीन कर्जाका लागि रहेको छ। बैंकले यसभन्दा अगाडि लिएको कर्जाको ब्याज भुक्तानीका लागि पनि बैंकबाटै कर्जा लिनका लागि यति धेरै कर्जाको रेटिङ गराएको हो।
निर्माण कार्य अझै बाँकी रहेको हुँदा २ अर्ब ३९ करोड रुपैयाँको ऋणको रेटिङ गराएको हो। बैंकिङ क्षेत्रमा ब्याजदरको उतारचढावले सबैभन्दा धेरै जोखिम देखिएको एजेन्सीले जनाएको छ। प्रत्येक त्रैमाशमा हुने व्याजदरको उतारचढावले गर्दा ठूला लगानी प्रभावित हुने गरेका छन्।
नेपालमा पर्यटकको वृद्धिदर स्थिर छ। तर होटलको संख्या भने बढिरहेको छ। यसले गर्दा होटल क्षेत्र थप जोखिममा रहेको रेटिङ एजेन्सीले जनाएको छ। गत वर्ष पर्यटकको वृद्धि ८ प्रतिशतले भएको थियो।
२०७४ सालमा तत्कालीन प्रधानमन्त्री शेरबहादुर देउवाले सन् २०२० लाई पर्यटन वर्ष मनाउने घोषणा गरेका थिए। त्यसपछि नेपालमा मल्टिनेसनल कम्पनी तथा नीजिक्षेत्रको ध्यान होटलतर्फ केन्द्रित भयो। यसले गर्दा होटल खोल्ने क्रम बढ्नुका साथै अस्वस्थ प्रतिस्पर्धा बढेकाले नयाँ होटलहरुको व्यवसाय जोखिम देखिएको हो।
होटलको प्रमुख सञ्चालक तथा व्यवस्थापकहरुमा शक्तिकुमार गोल्यान, लतिका गोल्यान, भरुण तुलाधरलगायत छन्। नेपालका विभिन्न क्षेत्रमा लगानी गरेको गोल्याण समूहले भारतमा लगानी गरेको छ।
होटलको प्रमुख व्यवस्थापनका लागि हायात इन्टरनेसनल साउथ वेस्ट एसियासँग सम्झौता गरिएको छ। यसको प्रधान कार्यालय दुबईमा छ। हायात प्यालेस यसको अन्तर्राष्ट्रिय ब्रान्ड हो।
यसले ग्लोबल हस्पिटालिटीकै प्रमुख हिस्सा ओगट्दै आएको छ। हस्पिटालिटीको क्षेत्रमा यसका २० वटा प्रिमियर ब्रान्ड रहेका छन्। ६० वटा भन्दा धेरै देशमा ८ सय ७५ वटा भन्दा धेरै लगानी छ।
यसले व्यावसायिक तालिम दिने, प्राविधिक सिप प्रदान गर्नेछ। ग्लोबल बिजनेस रेपुटेसन भएकोले होटलले विदेशी पर्यटक भित्र्याउन सहयोग गर्ने देखिन्छ।
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।
![सय दिने प्रगति विवरण सार्वजनिक गर्दै प्रधानमन्त्री केपी ओली [प्रत्यक्ष प्रसारण]](https://nepallive.net/uploads/posts/500X300/kllllllllll-1729675876.jpg)
![Nepal Live Samachar नेपाल लाइभ समाचार, भदौ १९ [भिडियाे]](https://nepallive.net/uploads/posts/500X300/samachar++-1725458095.jpg)
![प्रधानमन्त्रीसँग प्रश्नोत्तर [प्रत्यक्ष प्रशारण]](https://nepallive.net/uploads/posts/500X300/PMM-(1)-1718866650.jpg)
![भारत भ्रमणबारे प्रतिनिधि सभा बैठकमा जवाफ दिँदै प्रधानमन्त्री प्रचण्ड [प्रत्यक्ष प्रशारण]](https://nepallive.net/uploads/posts/500X300/prachanda-sansad-1710309847.jpg)
![Nepal Live Samachar नेपाल लाइभ समाचार, जेठ ३० [भिडियाे]](https://nepallive.net/uploads/posts/500X300/samachar++-copy.jpg-30-1718203418.jpg)
