बिहीबार नेपाल लाइभमा प्रकाशित मुख्य समाचार शीर्षकहरू:
१) बाँस्कोटाको प्रतिरक्षामा प्रधानमन्त्री
काठमाडौं- प्रधानमन्त्री केपी शर्मा ओलीले कमिसन डिल गरेको अडियो सार्वजनिक भएपछि पदबाट राजीनामा दिएका पूर्व सञ्चार, सूचना तथा प्रविधिमन्त्री गोकुल बाँस्कोटको प्रतिरक्षा गरेका छन्।
बिहीबार काठमाडौंमा सुरु भएको नेपाल कम्युनिष्ट पार्टी (नेकपा)को बागमती प्रदेशस्तरीय कार्यकर्ता प्रशिक्षण कार्यक्रमलाई सम्बोधन गर्दै ओलीले उक्त अडियो बाँस्कोटाकै भएको भनेर प्रमाणित नभएको बताए।
‘अहिलेसम्म टेप प्रकरण प्रमाणित छैन, उहाँ (बाँस्कोटा)ले होइन भनिरहनु भएको छ,’ ओलीले भने, ‘स्वीस राजदूतावासले ‘फ्रड’ हो भन्यो। आफ्नो नाममा बात लागेकाले राजीनामा दिनुभो, भ्रष्टाचार प्रमाणित भए जसरी प्रचार गर्नु आवश्यक छैन।’ प्रधानमन्त्री ओलीले आफू र बाँस्कोटाविरुद्ध अख्तियार दुरुपयोग अनुसन्धान आयोगमा परेको उजुरीलाई ‘पत्रु’को संज्ञा दिए।
थप समाचार
गोकुल बाँस्कोटाको प्रतिरक्षामा प्रधानमन्त्रीले भने- अडियो उहाँकै हो भन्ने प्रमाण छैन
२) पूर्वमन्त्री सञ्जय साह भ्रष्टाचारी ठहर
जनकपुर बमकाण्डमा दोषी ठहर भई जन्मकैदको सजाय भोगिरहेका पूर्वमन्त्री सञ्जयकुमार साहलाई भ्रष्टाचार र सम्पत्ति शुद्धीकरण मुद्दामा विशेष अदालतले दोषी ठहर गरेको छ।
विशेषले साहलाई भ्रष्टाचार मुद्दामा ४ वर्ष कैद र १९ करोड ४४ लाख ३८ हजार ९ सय बिगो र सोही बराबर जरिवाना अनि सम्पत्ति शुद्धीकरण मुद्दामा दोषी ठहर‚ सजाय पछि निर्धारण गर्ने भएको छ।
जन्मकैदको सजाय काटिरहेका पूर्वमन्त्री सञ्जयकुमार साह ‘टक्ला’विरुद्धका २०७३ पुस २५ र २०७४ चैत १६ गते विशेष अदालतमा मुद्दा दायर गरेको थियो।
थप समाचार
पूर्वमन्त्री सञ्जय साहको भ्रष्टाचार र सम्पत्ति शुद्धीकरण मुद्दामा फैसला हुँदै
जनकपुर बमकाण्डका दोषी पूर्वमन्त्री साह भ्रष्टाचारी ठहर
३) पाइपलाइन विस्तार सम्भाव्यता अध्ययन गर्न नेपाल र भारतको संयुक्त टोली 'फिल्ड' जाँदै
पेट्रोलियम पाइपलाइन विस्तारका लागि सम्भाव्यता अध्ययन गर्न नेपाल आयल निगम र भारतीय आयल निगमको संयुक्त टोली शुक्रबार (भाेलि)स्थलगत अनुगमनमा जाने भएको छ।
पेट्रोलियम पाइपलाइन र भण्डारण विस्तार सम्बन्धी बिहीबार काठमाडौंमा दुई निकायबीच छलफल पछि भोलि स्थलगत अनुगमनमा जान लागिएको नेपाल आयल नियगका कार्यकारी निर्देशक सुरेन्द्र पौडेलले जानकारी दिए।
‘आजको बैठकमा हामीले कसरी पाइपलाइन विस्तारलाई अगाडि बढाउने भनेर त्यसको योजना, प्रक्रिया, समयसीमा, प्राविधिक पक्ष र पूर्वाधार निर्माणका विषयमा छलफल गयौं। हामी भोलिदेखि फिल्डमा जाँदैछौं,’ पौडेलले भने।
थप समाचार
पेट्रोलियम पाइपलाइन विस्तार सम्भाव्यता अध्ययन गर्न नेपाल र भारतको संयुक्त टोली 'फिल्ड' जाँदै
४) यतीका सञ्चालक जेल चलान
खैरो हेरोइनसहित पक्राउ परेका यती समूह निकटका नवाङ पासाङ शेर्पासहित चार जना पुर्पक्षका लागि जेल चलान भएका छन्।
जिल्ला अदालत काठमाडौंले उनीहरूलाई बिहीबार पुर्पक्षका लागि जेल चलान गर्ने आदेश दिएको हो।
जेल चलान भएका उनीहरूलाई माघ १८ गते नै प्रहरीले खैरो हेरोइनसहित पक्राउ गरेको थियो।
थप समाचार
खैरो हेरोइनसहित पक्राउ परेका यती समूहका नवाङ जेल चलान
६) मन्त्री परिषद्का बाइस निर्णय
सरकारले नेपाल-बङ्गलादेश वाणिज्य सचिवस्तरीय उच्चस्तरीय संयन्त्रको पाँचौँ बैठकमा सहभागी हुन नेपालका तर्फबाट वार्ता टोली गठन गर्ने निर्णय गरेको छ।
यही फागुन १२ गते बसेको मन्त्रिपरिषद् बैठकले बङ्गलादेशको ढाकामा हुने सो बैठकमा सहभागी हुन उद्योग, वाणिज्य तथा आपूर्ति मन्त्रालयका सचिव (वाणिज्य तथा आपूर्ति) डा बैकुण्ठ अर्यालको नेतृत्वमा आठ सदस्यीय वार्ता टोली गठन गरेको सञ्चार तथा सूचना प्रविधिमन्त्री डा युवराज खतिवडाले जानकारी दिए।
बैठकले काठमाडौँ महानगरपालिका–१४ का शोभा बुढाथोकी र १६ का नारायण नेपाल तथा विराटनगर–४ मोरङका उद्धवचन्द्र घिमिरेलाई नेपाल कानून आयोगको सदस्य पदमा नियुक्त गर्ने निर्णय गरेको छ।
थप समाचार
यी हुन् मन्त्रिपरिषद्का २२ निर्णय
७) शेयर बजारमा दिनदिनै नयाँ रेकर्ड
शेयर बजारमा दिनदिनै नयाँ रेकर्ड बन्न थालेको छ। विगत एक सातादेखि दोस्रो बजारमा दिनदिनै नयाँ रेकर्ड बनिरहेको छ।
यो साताको अन्तिम दिन बिहीबार इतिहासकै सबैभन्दा धेरै चार अर्ब ४६ करोड रुपैयाँको कारोबार भएको छ। बुधबार पनि चार अर्ब १५ करोड रुपैयाँको कारोबार भएको थियो।
सूचक पनि ३६.०५ अंकले सुधार भएर १६३२.१७ अंकमा पुगेको छ। डा. युवराज खतिवडाको बहिर्गमनको हल्लै हल्लाको भरमा शेयर बजारमा सुधार आइरहेको छ।
थप समाचार
नेपाल लाइभमा बिहीबार : बाँस्कोटाको प्रतिरक्षामा प्रधानमन्त्रीदेखि यती समूहका सञ्चालक जेल चलानसम्म
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1787821305.jpg)
-1786602170.png)
