काठमाडौं- पेट्रोलियम पाइपलाइन विस्तारका लागि सम्भाव्यता अध्ययन गर्न नेपाल आयल निगम र भारतीय आयल निगमको संयुक्त टोली शुक्रबार (भाेलि)स्थलगत अनुगमनमा जाने भएको छ।
पेट्रोलियम पाइपलाइन र भण्डारण विस्तार सम्बन्धी बिहीबार काठमाडौंमा दुई निकायबीच छलफल पछि भोलि स्थलगत अनुगमनमा जान लागिएको नेपाल आयल नियगका कार्यकारी निर्देशक सुरेन्द्र पौडेलले जानकारी दिए। ‘आजको बैठकमा हामीले कसरी पाइपलाइन विस्तारलाई अगाडि बढाउने भनेर त्यसको योजना, प्रक्रिया, समयसीमा, प्राविधिक पक्ष र पूर्वाधार निर्माणका विषयमा छलफल गयौं। हामी भोलिदेखि फिल्डमा जाँदैछौं,’ पौडेलले भने।
गत पुस २७ र २८ गते भारतको नयाँ दिल्लीमा सम्पन्न ‘नेपाल–भारत पेट्रोलियम तथा ग्यास जोईन्ट वर्किङ’ ग्रुपको पहिलो बैठकमा भारतको सिलगुडीबाट नेपालको झापासम्म दोस्रो अन्तरदेशीय पेट्रोलियम पाइपलाइ विस्तार गर्ने तथा मोतिहारी–अमलेखगंज पाइपलाइनलाई विस्तार गर्ने प्रारम्भिक सहमति भएको थियो। सोही निर्णयलाई कार्यान्वयनमा लैजान भोलिबाट संयुक्त टोलीले स्थलगत अध्ययन गर्न लागेको पौडेलले बताए।
बाराको अमलेखगंजदेखि चितवनको लोथरसम्म पेट्रोलियम तथा ग्यास पाइपलाइन विस्तार गर्ने सम्बन्धमा विस्तृत प्राविधिक प्रतिवेदन तयार गरी जोईन्ट वर्किङ ग्रुपमा प्रतिवेदन पेश गर्न संयुक्त अध्ययन टोली गठन गर्ने, अमलेखगन्ज डिपोको बाँकी स्तरोन्नतीको कार्य छिट्टै सम्पन्न गर्ने, झापा र धनुषामा बन्ने निगमको बोटलिङ प्लाण्टमा भारतीय आयल निगमले प्राविधिक सहयोग उपलब्ध गराउने लगायतका विषयमाजोइन्ट वर्किङ ग्रुपले सहमति जुटाएको थियो।
यस्तै नेपालमा पेट्रोलियम तालिम केन्द्र स्थापना गर्ने विषयमा पनि भारतीय पक्ष सकारात्मक देखिएको जनाइको छ। यसका लागि नेपाल आयल निगमले उपयुक्त स्थानको छनौट गरी भारतीय आयल निगमलाई त्यसको जानकारी दिनुपर्ने छ। यता लखनउबाट हवाई इन्धन ल्याउने विषयमा नेपाल पक्षले राखेको प्रस्ताव पुनरावलोकन हुनपर्ने विषयसमेत भारतीय पक्षले उठाउँदै आएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1724654184.jpg)
-1768280785.png)
-1768271809.png)
-1764146706.png)
