काभ्रेपलाञ्चोक– काभ्रेपलाञ्चोकबाट तीन वर्षमा करिब १ सय ५० महिला तथा बालबालिका हराएका छन्।
_x000D__x000D_
सो अवधिमा हराएका ३ सय ९६ महिला तथा बालबालिकामध्ये २ सय ५१ जना फेला परेको जिल्ला प्रहरी कार्यालय महिला तथा बालबालिका सेवा केन्द्र धुलिखेलले जनाएको छ। केन्द्रको तथ्याङ्कमा आर्थिक वर्ष २०७२/०७३ देखि हालसम्म ३ सय ९६ महिला तथा बालबालिका हराएको उल्लेख छ। यसमध्ये १ सय ४५ जना फेला परेका छैनन्।
_x000D__x000D_
आव २०७२/०७३ देखि यही असोज अन्तिम सातासम्म २ सय ७९ महिला, ३३ बालक र ८० बालिका हराएकाले आफन्तले खोजी गरिदिन केन्द्रमा निवेदन दिएको जिल्ला प्रहरी कार्यालयका प्रहरी नायब उपरीक्षक दीपक गिरीले बताए।
_x000D__x000D_
उनका अनुसार आव २०७२/०७३ मा १ सय ११, २०७३/०७४ मा १ सय ९, आव २०७४/०७५ मा १ सय ६१ तथा चालू आवको असोज अन्तिम सातासम्म १५ महिला तथा बालबालिका हराएको निवेदन आएको छ।
_x000D__x000D_
हराएका ३ सय ९६ महिला तथा बालबालिकामध्ये महिला १ सय ५८, बालक २६ र बालिका ५७ जना फेला परेका हुन्। प्रनाउ गिरीले हराएकाहरुको खोजी गर्न जिल्लास्थित माहतहतका प्रहरी चौकी तथा छिमेकी जिल्लामा हुलिया एवं तस्वीरसहित पत्राचार गरेको र खोजी तीव्र पारिएको बताए।
_x000D__x000D_
उनका अनुसार हराउने महिला तथा बालबालिकामध्ये आधाजसो प्रहरीको सक्रियतामा भेटिन्छन् भने अन्य आफन्तकै पहलमा भेटिएका छन्। पछिल्ला केही वर्षदेखि काभ्रेपलाञ्चोकबाट महिला तथा बालबालिका हराउने क्रम बढिरहेकाले प्रहरीले हराएकाहरुको खोजी गर्ने छुट्टै एकाइ बनाउनुपर्ने जिल्लास्थित मानवअधिकारकर्मी भोजराज तिमल्सिना बताउँछन्। उनी भन्छन्, 'प्रहरीले यस्तो युनिट बनाओस् जसले हराएकाको मात्रै खोजी गरोस्।' रासस
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।