बस दुर्घटनामा दुई जनाको मृत्यु, गम्भीर घाइते ५ जनालाई काठमाडौं ल्याइयो

नेपाल लाइभ | २०७५ असोज २६ शुक्रबार | Friday, October 12, 2018 ०७:०४:११ मा प्रकाशित

बेत्रावती- नुवाकोटको समुन्द्रटारबाट त्रिशूलीतर्फ आइरहेको बस सूर्यगढी गाउँपालिका–५ गणेशस्थानमा आज बिहान दुर्घटना हुँदा दुई जनाको घटनास्थलमा नै मृत्यु भएको छ। मृतकमध्ये एक महिला र एक वृद्ध रहेका छन्। उनीहरुको शव पहिचान हुन बाँकी रहेको जिल्ला प्रहरी कार्यालय नुवाकोटका प्रमुख प्रहरी उपरीक्षक वसन्त कुँवरले जानकारी दिए।

_x000D_ _x000D_

बा १ ख ६३५६ नंको बस दुर्घटनामा हुँदा बसमा सवार यात्रीमध्ये १५ भन्दाबढी घाइते भएका छन्। गम्भीर घाइते पाँच जनालाई उपचारका लागि काठमाडौं ल्याइएको छ। बाँकी घाइतेलाई जिल्ला अस्पताल त्रिशूली पठाइएको छ। 

_x000D_ _x000D_

गणेशस्थानको छेरी खोलामा आइपुग्दा बस अनियन्त्रित भएर १५० मिटर तल खसेको प्रहरीले जनाएको छ। बसमा ५० भन्दा बढी यात्रु सवार रहेको जनाइएको छ।रासस