दिउँसाे ३ बजेर २७ मिनेट जाँदा बुद्ध एयरकाे 'एटिआर ७२' विमान पाेखरा विमानस्थलमा अवतरण गर्याे।
गह्राैं मन लिएर संस्कृति पर्यटन तथा नागरिक उड्डयन मन्त्री रवीन्द्र अधिकारीका बुवाआमा तथा परिवारका अन्य सदस्य पनि विमानबाट उत्रिए।
भावविह्वल अवस्थामा रहेका अधिकारी परिवारलाई पाेखरा-५, मालेपाटनस्थित निवासमा लगियाे।
एउटै विमानमा यात्रा गरेका हामी अधिकारी परिवारलाई पछ्याउँदै अगाडि बढेका थियाैं। मालेपाटन पुग्दा बुवाआमा आउने पूर्वनिर्धारित खबर भएर हाेला मन्त्री निवासमा केही आफन्त तथा शुभचिन्तक जम्मा भइसकेका रहेछन्।
बुवा इन्द्रप्रसाद अधिकारी र आमा लक्ष्मी अधिकारीलाई ३ तले घरकाे पहिलाे तलामा छुट्टाछुट्टै काेठामा राखियाे।
काेठामा रहेका आफन्तजन तथा शुभचिन्तकहरु केही राेइरहेका थिए भने अधिकांस शान्त देखिन्थे। रुँदारुँदै ओभाएका इन्द्रप्रसाद र लक्ष्मीका आँखा हेरेर हुनुपर्छ कसैकाे पनि बाेली फुट्न सकेकाे थिएन।
अपरान्हसम्ममा मन्त्री निवासमा पूर्व मन्त्री, सांसद, राजनीतिक दलका नेताकार्यकर्ता तथा स्थानीयहरुकाे आउनेजाने क्रम चलिरहेकाे थियाे। केही स-सानाे झुन्ड बनाएर दुर्घटना र मन्त्री अधिकारीकै प्रसंग जाेडिरहेका थिए।
केही भने निवासकाे आँगनमा राखिएका सिमित कुर्सीहरुमा केहिबेर बस्थे र बाहिर निस्किन्थे। मन्त्री निवासमा भएकाे याे परिवेशलाई भने आमनेसामने घरका छत तथा बार्दलीबाट पनि लगातार नजर लगाइरहेकाे देखिन्थ्याे।
तर, सबैकाे अनुहारमा शाेक स्पष्ट देखिन्थ्याे।
हामी पनि उपस्थितसँग कुराकानीमै व्यस्त थियाैं। मन्त्री अधिकारीका स्वकीय सचिव अर्जुन अधिकारीले गण्डकी प्रदेशका मुख्यमन्त्री पृथ्वीसुब्बा गुरुङसहित क्याविनेटमा सबै मन्त्री केहीबेरमा आउने जानकारी गराए।
गुरुङसहित प्रदेश मन्त्रीहरु किरण गुरुङ, हरि बहादुर चुमान, रामशरण बस्नेत, नरदेवी पुन, लेखबहादुर थापामगर, विकास लम्साल पनि मालेपाटन पुगेका थिए। साढे ५ बजेकाे समयमा मन्त्री निवास पुगेका उनीहरुले झन्डै आधा घन्टा त्यहाँ बिताए।
साे क्रममा मुख्यमन्त्री गुरुङले अधिकांस समय मन्त्री अधिकारीका बुवा इन्द्रप्रसाद अधिकारी सुतेकाे खाटनिजकै बसेर बिताए। अन्य मन्त्रीहरु भने याे सबै दृश्य उभिएरै हेरिरहेका थिए। साे क्रममा उनले मन्त्री अधिकारीलाई पनि सम्झिन भ्याए। मृत्युकाे संयाेगदेखि हेलिकाेप्टरकाे प्राविधिक कुरा तथा आफ्ना अनुभवसमेत साटे।
मन्त्री निवासबाट निस्किने क्रममा उनलाई हामीले केही प्रश्नहरु पनि गर्याैं। मन्त्री निवासमा बिताएकाे ३० मिनेट अवधिमा मुख्यमन्त्री गुरुङले के भने त?
लियाे टाेल्सटाेयले पुस्तक 'वार एन्ड पिस'मा भनेकाे एउटा कुरा साँचाे रहेछ। मान्छे कहिले, कसरी र कुन ठाउँमा मर्छ त्याे थाहा हुँदैन। माक्सावादीहरु प्रारब्धकाे त धेरै विश्वास नगर्नु भन्छन् तर, कहिलेकाहीं त्यस्तै संयाेग जुट्दाेरहेछ। मन्त्री अधिकारीकाे हकमा पनि आज त्यस्तै संयाेग मिलिरहेकाे छ।
याे एकअस्वभाविक दुर्घटना हाे। त्यसकारण याे दुर्घटनाले नेकपा, सरकार र सिंगाे राष्ट्रलाई नै अपुरणीय क्षति पुगेकाे छ। शाेककाे याे घडीमा हामीले याेभन्दा धेरै बाेल्ने ठाउँ छैन। विश्वास गर्न गाह्राे भइरहेकाे छ। अघिल्लाे दिनसम्म पनि कुरा भइरहेकाेमा अचानक यस्ताे सुन्नुपर्याे। याे अत्यन्त दु:खदायी घटना हाे। हामीले अब याे शाेकलाई शक्तिमा बदल्नुपर्छ। उहाँले छाेडेर गएका अधुरा सपनाहरुलाई पुरा गर्नुपर्छ। उहाँकाे मिलनसार व्यक्तित्व, सृजनाशीलता, जुझारुपन, इमानदारिताबाट हामी सबैले सिकेर बाँकी काम पुरा गर्न लागि पर्नुपर्छ। किनभने याे सहनुकाे हामीसँग विकल्प छैन। याे दु:खकाे सामना गर्नुकाे विकल्प छैन।
राष्ट्रकाे नाेक्सान भएकाे बेला गण्डकीकाे पनि नाेक्सान हुने नै भयाे। हाम्राे युवा नेताहरुमध्ये सबैभन्दा जुझारु, व्यवहारिक र अरु धेरैभन्दा मिलनसार नेता हुनुहुन्थ्याे उहाँ। गतिशील, याेग्यता र क्षमता भएकाे नेता पनि हुनुहुन्थ्याे। त्यसकारण पनि पार्टीमा उहाँहरुजस्ताे युवाकाे धेरै खाँचाे छ। अब उहाँ नरहेपछि त्यसलाई पुरा गर्न अरु युवा लाग्नुपर्छ। ज्यादै धेरै सम्भावना बाेकेका उहाँ, पार्टी भित्र पनि र राजकीय मामिलामा पनि जे-जस्ताे भूमिका पाउनुभयाे, पहिलाे पटक मन्त्री बन्नुभयाे, यसबीचमा उहाँले आफ्नाे काम र गतिशीलता देखाइरहनुभएकाे थियाे।
बन्द भएका धेरै विमानस्थलहरु खाेल्नुभयाे र थप खाेल्ने प्रयासका लागि चुहानडाँडा जाँदा नै याे दुर्घटना हुन पुगेकाे हाे। उहाँ नेतृत्वमा आइसकेपछि २ ठूला विमानस्थलकाे निर्माण कार्यले गति लिँदै सकिने अवस्थामा पुगेकाे बताइएकाे छ। निजगढ विमानस्थल पनि बन्ने क्रममै छ। काठमाडाैंस्थित त्रिवि विमानस्थलमा पनि सुधारका कामहरु भइरहेका छन्। १ सय वटा पर्यटन गन्तव्य स्थल ताेकी प्रचारप्रसार एवम् स्तराेन्नतिका लागि रकमसमेत विनियाेजन गर्ने प्रकृया सतहमा छ। उहाँकाे कार्यकालमा हवाइ तथा पर्यटनका क्षेत्रमा धेरै राम्रा कामहरु गतिशील ढंगबाट अगाडि बढेका छन्। थप याेजना बनाउने क्रममा हुनुहुन्थ्याे तर उहाँकाे स्पिड यहीं राेकियाे।
गण्डकी प्रदेशमा उहाँकाे कार्यकालमा निर्माणले गति लिएकाे ठूलाे याेजना पाेखरा क्षेत्रीय विमानस्थल नै हाे। अन्य थुप्रै याेजना पनि अघि बढेका छन्। आफ्नाे निर्वाचन क्षेत्र वा जिल्लामा उहाँकाेे अतुलनीय याेगदान छ। त्यसकारण गण्डकी प्रदेशलाई नाेक्सान भएकै छ। गण्डकी प्रदेशका एक नेता संघीय मन्त्री हुँदा प्रदेश सरकारलाई धेरै सहयाेग पुग्छ। याेजना बनाउने तथा त्यसकाे कार्यान्वयन गर्ने बेला 'वेभलेन्थ' बढेर जान्छ।
नेपालमा सबैभन्दा बढी प्रचलनमा ४ सिटे हेलिकाेप्टर छन्। जाे युराेपेर्ली स्ट्यान्डर्डमा बनेका हुन्छन्। नेपालमा हाई अल्टिच्युडकाे यात्रामा रहँदा यसकाे भारवहन क्षमतालाई पनि विशेष ध्यान दिनुपर्ने हुन्छ। एयर डाइनेस्टी, सिम्रिक एयरकाे हेलिकाेप्टर भने ६ सिटे हाे। खासमा पाइलटसहित ६ सिटे भनिएपनि हामी कहिलेकाहीं पाइलटबाहेक ६ यात्रुले उडान भरिरहेका हुन्छाैं।
समथर क्षेत्रमा तेाकिएकाे सिट क्षमतामा उडान भर्दा खासै फरक पर्दैन। तर, 'हाई अल्टिच्युड एरिया'मा पुगेपछि भने हावाकाे चाप कम हुनेहुँदा हेलिकाेप्टरलाई बढी वजन थेग्न मुस्किल हुन्छ। त्यसकारण 'हाई अल्टिच्युड एरिया'मा पुग्दा स्वत: हेलिकाेप्टरकाे वजन घटाउनुपर्छ। पाथीभरा समुद्र सतहबाट उच्च स्थानमै पर्छ। त्यसमाथि कहिलेकाहीं थाेरै-थाेरै शंकाकाे सुविधा लिँदा यस्ताे दु:खद संयाेग हुन जाँदाे रहेछ।
हावाहुरी चल्न थालेपछि हवाइ यात्रा जाेखिमपूर्ण बन्छ। सानाे हेलिकाेप्टर नियन्त्रण बाहिर जानसक्छ। साे क्षेत्रमा पनि उडान भरिरहँदा हावाहुरी, पानी तथा हिमपात भइरहेकाेले पाइलटलाई सम्हाल्न कठिन परेकाे हुनसक्छ। त्यसमाथि एयर डाइनेष्टिकै मालिक तथा पर्यटन व्यवसायी आङछिरिङ शेर्पा तथा उड्डयन प्रधिकरणका २ अधिकारीहरु समेतकाे विज्ञ टाेली हुँदाहुँदै पनि संकटकाे साे घडीमा उचित निर्णय लिन नसकिएकाे हुनसक्छ।
यसै सन्दर्भमा गण्डकी प्रदेशले शाेक प्रस्ताव पारित गरेकाे छ। यसकाे व्यवस्थापन गर्ने जिम्मा प्रदेश सरकारकाे भएकाेले श्रद्धाञ्जली र अन्त्यष्टिका हकमा धेरै सम्झनाका साथ सम्मान गर्ने तयारीमा छाैं। गण्डकी प्रदेश तथा अन्य प्रदेशका नेताकार्यकर्ताहरु, उहाँका पार्टीभन्दा बाहिरमा साथीसंगति र शुभचिन्तकहरु सबैलाई आज(शुक्रबार) दिउँसाे १ बजे पाेखरा-९, नयाँबजारस्थित प्रदर्शनी केन्द्रमा आएर उहाँप्रति श्रद्धाञ्जली दिन र शवयात्रामा सहभागि भएर उहाँप्रति श्रद्धसुमन प्रकट गरिदिनुहुन आह्वान गर्दछाैं।
श्रद्धाञ्जली सभा पाेखरा-९, नयाँबजारस्थित प्रदर्शनी केन्द्रमा सम्पन्न भइसकेपछि महेन्द्रपुल, रानीपौवा, हस्पिटल चोक, गीता मन्दिर हुँदै रामघाटमा लगी उहाँकाे राजकीय सम्मानका साथ अन्तेष्टि गरिने छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1768546075.png)
-1764146706.png)
-1768395492.png)
