एजेन्सी- अन्तर्राष्ट्रिय मुद्रा कोष (आइएमएफ) ले गीता गोपीनाथलाई आफ्नो मुख्य अर्थशास्त्रीको रुपमा नियुक्त गरेको छ।
_x000D_
_x000D_
गोपीनाथ आइएमएफको शोध विभागलाई नेतृत्व गर्ने पहिलो महिला हुनेछिन्। हाल आइएमएफको उक्त विभागलाई नेतृत्व गर्दै आएका मोरीस ओब्स्टफेल्ड २०१८ को अन्त्यमा सेवानिवृत्त भएपछि गोपीनाथले कार्यभार समाल्नेछिन्। उनी हाल हार्वर्ड विश्वविद्यालयमा इन्टरनेसनल स्टडिज एन्ड इकोनोमिक्सको प्रोफेसरका रुपमा काम गर्दै आएकी छन्।
_x000D_
_x000D_
अब आइएमएफ, ओइसिडी र विश्व बैंक तीन प्रमुख आर्थिक निकायको उच्च तहमा महिला नेतृत्व हुनेछन्। गोपीनाथको शोध विनिमय दर, व्यापार, पुँजीगत प्रवाह, उत्वादकता र ऋणसहित समग्र अर्थशास्त्र र अन्तर्राष्टिय वित्तस्थितिमा केन्द्रित रहेको छ।
_x000D_
_x000D_
आइएमएफका १८९ सदस्य राष्ट्रमा कैयौं राष्ट्र यस्तो मुद्दासँग जुधिइरहेका छन्। आफ्नो सीमामा रहँदै सामाजिक विभाजन र धुव्रीकरणलाई सम्बोधन गर्ने समयमा विश्वको अस्थिरतालाई मध्यनजर गर्दै आफ्नो नीति तयार पारेका हुँदा यस्ता मुद्दासँग ती राष्ट्र जुध्न बाध्य भएका हुन्।
_x000D_
_x000D_
गोपीनाथले यी विनिमय दरको लाभका लागि लचिलो नीति लिने विषयमा विरोध गर्दै आएकी छन्। आइएमएफले परम्परागत रुपमा स्वीकार गर्दै आएको नीतिलाई उनले विरोध गरेकी हुन्। गोपीनाथका अनुसार डलरको सापेक्षमा विनिमय दर लचिलो हुनु महत्वपूर्ण हुन्छ।
_x000D_
_x000D_
अक्टोबर २०१४ मा विश्व आर्थिक मञ्चमा आफनो लेख प्रकाशित गर्दै गोपीनाथले विश्व बजारमा छायाँको आर्थिक अशान्तिसँग लड्न आइएमएफलाई सल्लाह दिएकी थिइन्।
_x000D_
_x000D_
हस्तक्षेपभन्दा पहिला संकटको जरैदेखि समाधान गर्न भन्दा अन्तर्राष्टिय वित्तीय बजारमा आएको सम्भावित अवरोधसँग लड्ने तरिकाबारे आइएमएफले एउटा मार्गनिर्देशन प्रदान गर्नुपर्ने उनको तर्क थियो।
_x000D_
_x000D_
एलिनाजका मुख्य आर्थिक सल्लाहाकार मोहम्मद एल एरियनले ब्लुमवर्गलाई बताए अनुसार गोपीनाथको शोधले पारम्पारिक ज्ञानलाई चुनौती दिँदै सामूहिक सोचबाट लाभकारी हिसाबमा अघि बढ्नु उचित हुने सुझाएकी छिन्।
_x000D_
_x000D_
सन् १९९१ मा गोपीनाथ दिल्लीमा बिए पढ्दा भारतमा आर्थिक संकट छाएको थियो। उनी आफ्नो देशको आर्थिक संकटलाई नै आफूले अर्थशास्त्र पढ्नुको र अन्तर्राष्टिय वित्तीय क्षेत्रप्रति उत्सुकता जाग्नुको प्रेरणा स्रोतको रुपमा व्याख्या गर्दछिन्। उनले दिल्ली विश्वविद्यालय र अमेरिकाको वासिङट्न विश्वविद्यालयबाट अर्थशास्त्रमा दोहोरो स्नातकोत्तर गरेकी छन् भने अमेरिकाकै प्रिन्स्टन विश्वविद्यालयबाट विद्यावारिधि गरेकी छन्।
_x000D_
_x000D_
आइएमएफकी प्रबन्ध निर्देशक क्रिस्टस्न लागर्ड भन्छिन्, ‘गीता विश्वको उत्कृष्ट अर्थशास्त्रीमध्ये एक हुन्। विश्वको उत्कृष्ट विश्वविद्यालयबाट प्राप्त ज्ञान, बौद्धिक नेतृत्वका लागि उनको पहिलाको ट्र्याक रेकर्ड र व्यापक रुपमा पाएको अन्तर्राष्टिय अनुभवले उनलाई यो स्थानसम्म ल्याएको हो। यी सबै गुणले गर्दा उनलाई हाम्रो शोध नेतृत्वका रुपमा यो महत्वपूर्ण घडीमा नियुक्त गरिएको हो।'
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1762931323.png)
-1762925704.png)
-1762846065.png)
