हेटौँडा – मकवानपुरको हेटौँडा उपमहानगरपालिका– ११ थानाभर्याङस्थित पूर्वपश्चिम सडकमा ट्रकले अटोलाई ठक्कर दिँदा एक जनाको मृत्यु भएको छ । दुई जना घाइते भएका छन् ।
दुर्घटनामा मकवानपुरको मनहरी गाउँपालिका–६ खयरघारीकी३५ वर्षीया पूजा बम्जनको मृत्यु भएको मकवानपुरका प्रहरी नायव उपरीक्षक श्यामु अर्यालले जानकारी दिए ।
शुक्रबार बेलुकी ८ बजेतिर हेटौंडा बजारबाट चितवनतर्फ जाँदै गरेको ना ४ ख २४९६ नम्बरको ट्रकले विपरीत दिशाबाट आउँदै गरेको ना १ ह ८३०८ नम्बरको अटोलाई ठक्कर दिएको थियो ।
गम्भीर घाइते बम्जनलाई सीएमसी चुरेहिल अस्पतालमा उपचारको क्रममा राति सवा ९ बजेतिर चिकित्सकले मृत घोषणा गरेको मकवानपुरका प्रहरी नायव उपरीक्षक श्यामु अर्यालले जानकारी दिए ।
अटोमा सवार पूजाका छोरा ११ वर्षीय अमृत घिसिङको चुरेहिल अस्पतालमै उपचार भइरहेको छ । दुर्घटनामा अटो चालक हेटौंडा उपमहानगरपालिका–१९ बासघारी बस्ने २५ वर्षीय राजु थिङको टाउकोमा गम्भीर चोट लागेको छ । अटोलाई ठक्कर दिने ट्रक चालक चितवनको राप्ती नगरपालिका– २ पिप्ले बस्ने ४८ वर्षीय कान्छा राईलाई नियन्त्रणमा लिएर अनुसन्धान भइरहेको प्रहरीले जानकारी दिएको छ ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1766039188.jpg)
-1764146706.png)
