धुलिखेल– काभ्रेको पाँचखाल नगरपालिका–१ ठाटी गौरिकोटमा बुधबार एक महिला सुरक्षा माग्दै दौडिरहेकी थिइन् ।
पछाडीबाट एकनाले भरुवा बन्दुक तेर्स्याउँदै लखेटिरहेका थिए उनका आफ्नै पतिले । ५७ वर्षीया सुनकुमारी तामाङलाई उनका पतिले त लखेटेकै थिए त्यसैमा उनका छोराले समेत बाबुको साथ दिइरहेका थिए ।
एक जना वृद्ध महिला गुहार माग्दै दौडिरहेको देखेपछि स्थानीयले उनका पतिलाई नियन्त्रणमा लिए । घटनापछि सुनकुमारीले पति र छोराविरुद्ध प्रहरीमा उजुरी दिएकी छिन् ।
सुनकुमारीका पति ६१ वर्षीय मंगलबहादुर र ३२ वर्षीय छोरा सन्तबहादुरलाई प्रहरीले हतियारसहित पक्राउ गरेको छ । अनुसन्धानका क्रममा उक्त हतियार पनि असली नै रहेको पाइएको छ ।
घटनाको प्रारम्भिक अनुसन्धान अनुसार खाना नपकाएर भोकै राखेको भन्दै छोरा र पतिले सुनकुमारीलाई लेखेटेका थिए । एकनाले बन्दुक तर्स्याउँदै मार्छु भन्दै लखेटेपछि उनी गुहार माग्दै दौडिएकी थिइन् ।
पक्राउ परेका मंगलबहादुर र सन्तबहादुरविरुद्ध हात हतियार तथा खरखजानामा मुद्दा चलाइएको जिल्ला प्रहरीले काभ्रेले जानकारी दिएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
