काठमाडौंमा ४ वर्षीय बालकको अपहरण : वीरगञ्ज लैजान तयारी गरिसकेका भियतनामी अपहरणकारी पक्राउ, बालकको सकुसल उद्धार

सुरक्षा/अपराध

नेपाल लाइभ आइतबार, माघ २७, २०८१ १८:३६

काठमाडौं– ललितपुरमा ४ वर्षीय बालक अपहरण गर्ने एक भियतनामी नागरिक पक्राउ परेका छन् । पक्राउ पर्नेमा भियतनामका २३ वर्षीय माइ होङ किन्लाउन रहेका छन् ।

गत बिहीबार राति ८:२० मा ललितपुरको ललितपुर महानगरपालिका- १२ पाटनबाट सरिता तामाङको ४ वर्षीय जिरे भनिने पल चेपाङ हराएका थिए ।

उनले आफ्नो छोरा हराएको भन्दै खोजतलास गरी पाउँ भनी निवेदन दिएकी थिइन् । अनुसन्धानको क्रममा ४ वर्षीय बालकलाई अपहरण गरी कलंकीस्थित मकालु पेट्रोल पम्प नजिकै रहेको इलाम मेची गेष्ट हाउसको कोठामा बन्धक बनाइ राखेको अवस्थामा परेको थियो ।

काठमाडौं उपत्यका अपराध अनुसन्धान कार्यालयबाट खटिएको प्रहरी टोलीले बालकलाई सकुशल उद्धार गरी अपहरण कार्यमा संलग्न रहेका भियतनामी युवकलाई पक्राउ गरेको हो । भियतनाम चाईवाङ सिटी घर भएका किन्लाउन कलंकीमा बस्दै आएका थिए ।

उनको साथबाट विभिन्न कम्पनीका मोबाइल ३ थान, ल्यापटप १ थान, भियतनामी मुद्रा डोङ, नक्कली भारतीय आधारकार्ड २ थान, बसको टिकट १ थान, चक्कु १ थान बरामद भएको छ ।

उनले वीरगञ्ज लैजाने योजना बनाई तयारी गरिरहेको अवस्थामा कलंकी स्थित मकालु पेट्रोल पम्पनजिक रहेको इलाम मेची गेष्ट हाउसको कोठामा बालकलाई बन्धक बनाई राखेको प्राविधिक अनुसन्धानबाट खुलेको थियो ।

उक्त गेष्ट हाउसको कोठा नम्बर १०७ बाट बालकलाई सकुशल उद्धार गरी अपहरण कार्यमा संलग्न भियतनामी युवकलाई पक्राउ गरी थप अनुसन्धान तथा आवश्यक कारवाहीको लागि जिल्ला प्रहरी परिसर जावलाखेल ललितपुरमा पठाइएको अपराध कार्यालयले जनाएको छ ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

सहकारी रकम अपचलन प्रकरणमा पूर्वडीआईजी जोशी पुर्पक्षका लागि जेल चलान

ओलीलाई प्रधानमन्त्रीबाट पदमुक्त माग गर्दै बालेनका कानूनी सल्लाहकारद्वारा सर्वोच्चमा मुद्दा दर्ता

जागरण अभियानको तयारीमा जुट्न प्रचण्डको निर्देशन