अमेरिकामा व्यक्तिगत वित्तिय अभिलेखको पहुँचमा इलन मस्क नेतृत्वलाई अदालतको रोक

समाचार

नेपाल लाइभ आइतबार, माघ २७, २०८१ ११:०२

काठमाडौं – राष्ट्रपति डोनाल्ड ट्रम्पको अनुमतिमा अर्बपति इलन मस्कले ट्रेजरी डिपार्टमेन्ट रेकर्डहरूमा पहुँच हासिल गर्ने प्रयासलाई अदालतले रोक लगाएको छ । म्यानहटनका जिल्ला न्यायाधीश पल ए एङ्गेलमेयरको आदेशले इलन मस्क नेतृत्वको सरकारी दक्षता विभाग (डिपार्टमेन्ट अफ गभर्नमेन्ट इफिसियन्सी) लाई ट्रेजरी विभागको डाटासम्मको पहुँचमा प्रतिबन्ध लगाएको छ ।

राष्ट्रपति डोनाल्ड ट्रम्पको कार्यकारी आदेशले सरकारी दक्षता विभागलाई ट्रेजरी डिपार्टमेन्ट रेकर्डमा लाखौं अमेरिकीहरूको व्यक्तिगत वित्तीय डेटासम्मको पहुँच सहज बनाएको थियो ।

मस्कको नेतृत्वमा दक्षता विभागलाई रेकर्डमा पहुँच दिइएपछि १९ राज्यका महान्यायाधिवक्ताले ट्रम्प प्रशासनविरुद्ध मुद्दा दायर गरेका थिए । अदालतको आदेशपछि ट्वीट गर्दै मस्कले गलत आदेश आएको प्रतिक्रिया दिएका छन् ।

अदालतको आदेशले राज्यहरूले तत्काल राहतबिना अपूरणीय क्षतिको सामना गर्ने भनेको छ । निषेधाज्ञाले निजामती कर्मचारीहरू बाहेक अरू कसैलाई ती अभिलेखसम्मको पहुँचमा प्रतिबन्धित गरेको छ । न्युयोर्कका महान्यायाधिवक्ता लेटिया जेम्सले ट्रम्प प्रशासनले मस्कलाई व्यक्तिगत डाटामा अभूतपूर्व पहुँच दिएको आरोप लगाएका छन् । एजेन्सी

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

मोटरसाइकल दुर्घटनामा एकको मृत्यु

अवकासको ४० दिनअघि एआईजी रवीन्द्र केसीले दिए राजीनामा

दाङमा आधा किलो सुनसहित एक जना पक्राउ