इटहरी गोल्डकप फुटबल फागुन ३ गते देखि हुँदै

समाचार

नेपाल लाइभ आइतबार, माघ २७, २०८१ १०:१५

काठमाडौँ – इटहरी गोल्डकप फुटबल प्रतियोगिता आगामी ३ फागुनदेखि हुने भएको छ । आयोजक राष्ट्रिय जागृति क्लबका अनुसार १५ औँ संस्करणको प्रतियोगिता आगामी फागुन ३ देखि १० गतेसम्म हुने भएको हो ।

खेलकुद आयोजक समितिका संयोजक अनुरोध थापाले प्रतियोगितामा एक विदेशी पाहुना टिमसहित नेपालका सात गरी आठवटा टिमको सहभागिता रहने बताए ।

जसमा भारतको पाहुना टिम यूकेएफसीसहित मच्छिन्द्र फुटबल क्लब काठमाडौँ, चर्च ब्वाइज युनाइटेड काठमाडौँ, झापा ११ फुटबल क्लब, आयोजक राष्ट्रिय जागृति, एनआरटी क्लब काठमाडौँ, सगरमाथा युथ क्लब मोरङ र धरान फुटबल क्लबको सहभागिता रहनेछ ।

आयोजकका अनुसार खेलको विजेता टिमले नगद १० लाख रुपैयाँसहित ट्रफी, मेडल र प्रमाणपत्र हात पार्नेछ भने उपविजेता टिमले ५ लाखसहित ट्रफी, मेडल र प्रमाणपत्र पाउने छन् ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

मोटरसाइकल दुर्घटनामा एकको मृत्यु

अवकासको ४० दिनअघि एआईजी रवीन्द्र केसीले दिए राजीनामा

दाङमा आधा किलो सुनसहित एक जना पक्राउ