मिनी ट्रक दुर्घटनामा एक जनाको मृत्यु

समाचार

नेपाल लाइभ शुक्रबार, माघ २५, २०८१ ०६:५५

सुर्खेत – कालीकोटमा मिनी ट्रक दुर्घटना हुँदा एक जना व्यवसायीको मृत्यु भएको छ । जिल्लाको नरहरिनाथ–८ लालु गाउँबाट फर्किने क्रममा बिहीबार राति कर्णाली प्रदेश ००१ क ०८२० नम्बरको मिनी ट्रक स्थानीय हलेसे भीरमा दुर्घटना भएको हो ।

दुर्घटनामा परी नरहरिनाथ–५ रुप्सा घर भएका गाडी साहु ४५ वर्षीय गंग देउवाको मृत्यु भएको हो । लालु गाउँबाट मकै र भटमास खरिद गरेर स्थानीय बजार खुलालु हुँदै सुर्खेत फर्किने क्रममा ओरालोमा मिनी ट्रक दुर्घटना भएको जिल्ला प्रहरी प्रमुख डीएसपी टेक बहादुर रावतले बताए ।

राति भएको दुर्घटनामा घाइते देउवालाई प्रहरीले भीरबाट निकालेर उपचारको लागि मान्म लैजाँदै गर्दा बाटोमै मृत्यु भएको डीएसपी रावतको भनाइ छ । उनकाअनुसार गाडी सडकबाट २ सय ५० मिटर तल खसेको छ । चालक भने हाम फालेर बच्न सफल भएको प्रहरीले जनाएको छ ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

आमा–छोरी घरमा मृत भेटिए

त्रिकोणात्मक सिरिजः नेपालले अन्तिम खेल थाइल्याण्डसँग खेल्दै

सिन्धुलीमा गाडी दुर्घटनाः चालकको मृत्यु, अन्य ५ जनाको उपचार हुँदै