एन्फा महिला लिग फुटबलः पुलिसले आर्मीलाई हराउँदै फाइनमा

फुटबल

नेपाल लाइभ सोमबार, माघ १४, २०८१ २१:५२

काठमाडौँ– एन्फा महिला लिगको अन्तिम चरणको दोस्रो क्वालिफायर खेलमा नेपाल पुलिस क्लब त्रिभुवन आर्मी क्लबलाई पराजित गर्दै फाइनलमा प्रवेश गरेको छ।

सातदोबाटोस्थित एन्फा कम्प्लेक्समा आज भएको खेलमा नेपाल पुलिस क्लब त्रिभुवन आर्मी क्लबलाई टाइब्रेकरमा २–१ गोलले पराजित गर्दै फाइनल प्रवेश गरेको हो।

खेलको निर्धारित ९० मिनेटको समयमा गोलरहित बराबरीमा खेल सकियपछि खेल ३० मिनेटको अतिरिक्त समयतर्फ धकेलिएको थियो। त्यसपछि अतिरिक्त समयमा पनि दुवै टोलीले गोल गर्न सकेनन् र अन्ततः खेल टाइब्रेकरमा पुगेको हो।

पुलिसको जितमा गोलकिपर उषा नाथ नायक बनिन्। उनले आर्मीको तीन पेनाल्टी प्रहार रोक्दा एक गोल गरिन्। टाइब्रेकरमा पुलिसका लागि गोलकिपर उषा नाथ र बिर्सना चौधरीले गोल गर्दै टिमलाई जित दिलाए। सम्झना लावती, समीक्षा घिमिरे र निरू थापाको प्रहारलाई आर्मीकी किपर अञ्जना रानामगरले बचाइन्।

आर्मीका लागि अञ्जनाले मात्र गोल गरिन्। चन्द्रा भण्डारी, अनिता लम्जेल र विमला विकेको प्रहारलाई किपर उषाले रोकिन्। विमला चौधरीको प्रहार भने बाहिरिएको थियो। यससँगै पुलिसले एपिएफ क्लबसँग यही माघ १६ गते उपाधिका लागि खेल्नेछ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

मौसमः तराईमा हुस्सु, पहाडका केहि क्षेत्रमा आंशिक बदली

क्रिकेटर अनिल साह बने अप्टिमस ग्लोबलको ब्राण्ड एम्बासडर

विकास र समृद्धिको आकांक्षा पूरा गर्नु नै वीर सहिदप्रतिको सच्चा श्रद्धाञ्जली हुनेछ – राष्ट्रपति पौडेल