अनुमतिविना युक्रेन आउने विदेशी शान्ति सेनालाई आक्रमण गर्ने रुसको चेतावनी

विश्व

नेपाल लाइभ सोमबार, माघ १४, २०८१ १३:०६

एजेन्सी– रुसले आफ्नो अनुमतिविना युक्रेनमा आएका विदेशी शान्ति सेनालाई आक्रमण गर्ने बताएको छ।

रुसी विश्व च्यानल आरटीका अनुसार त्यस्ता शान्ति सेना आफ्ना वैधानिक निशाना हुने रुसले बताएको छ।

हालै युरोपेली अधिकारीहरुले संयुक्त राष्ट्रसंघअन्तर्गत युक्रेनमा शान्ति सेना पठाउन सकिने प्रस्ताव राखेको समाचार आएपछि रुसको यस्तो चेतावनी आएको हो।

अमेरिकाको राष्ट्रपतिमा डोनाल्ड ट्रम्प आएसँगै युक्रेनलाई दिइँदै आएको सैन्य सहयोग बन्द गर्ने कुरा आएको समयमा युरोपेली पक्षबाट शान्ति सेनाको कुरा आएको हो। युक्रेनी राष्ट्रपति भोलोदिमिर जेलेन्स्कीले भने कम्तीमा २ लाख युरोपेली शान्ति सैनिक आवश्यक हुने बताउँदै आएका छन्।

जेलेन्स्कीलाई रुसले कार्यकाल सकिएर पनि सत्तामा टाँसिरहेको भन्दै अवैध राष्ट्रपतिको उपमा दिँदै आएको छ। यद्यपि वार्ताको लागि युक्रेन र रुस दुवै तयार भएको सार्वजनिक भइसकेको छ। यो सबै घटना अमेरिकामा डोनाल्ड ट्रम्पको सत्तारोहणसँगै भएको हो।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

अमेरिकामा अवैध आप्रवासी पक्राउ अभियान तिव्र, सोमबार मात्रै १७ सय बढि पक्राउ

काठमाडौँमा बृहत् अन्तर्क्रिया कार्यक्रम गर्दै समाजवादी मोर्चा

आजको मौसमः तराईमा हुस्सु, पहाडमा मुख्यतया सफा रहने