ट्वाइलेटको सफाइ र फार्मेसीमा औषधि राख्नुपर्ने कान्तिका कर्मचारीको माग

समाचार

नेपाल लाइभ आइतबार, माघ १३, २०८१ १४:४१

काठमाडौँ – कान्ति बाल अस्पतालका कर्मचारीहरूको समूहले अस्पताल व्यवस्थापन सुधार र कर्मचारी प्रोत्साहनका लागि भन्दै अस्पताल निर्देशकसमक्ष ६ बुँदे माग गरेको छ।

गत २ माघमा बसेको कर्मचारीहरूको बृहत् भेलाले गरेको निर्णयअनुसार ७ माघका दिन निर्देशक समक्ष माग पेश भएको हो।

कर्मचारीहरूको मागमा अस्पतालमा दुई सिफ्ट ओपिडी सञ्चालन गर्नुपर्ने, ५० प्रतिशत भत्ता कर्मचारीलाई उपलब्ध गराउनुपर्ने, सार्वजनिक बिदामा काम गर्ने सम्पूर्ण कर्मचारीलाई एक महिना तलब भत्ता स्वरुप उपलब्ध गराउनुपर्ने लगायतका छन्।

यस्तै नर्सिङ क्याम्पसको आम्दानी र खर्च विवरण पारदर्शी हुनुपर्ने, अस्पतालको वित्तीय अनुशासन कायम गर्न आवश्यक खर्च र चुहावट नियन्त्रण गर्नुपर्ने समेत उल्लेख छ।

यस्तै कर्मचारीहरूले अस्पतालको सुधार गर्नुपर्ने क्षेत्रमा ट्वाइलेट बाथरुमको सरसफाइ, फार्मेसीमा प्रेस्किप्सन भएका औषधि हुनुपर्ने, सिटी एमआरआई सेवा पूर्ण रूपमा सञ्चालन हुनुपर्ने, इसीजी सेवा, बढी आम्दानी हुने रेडियोलोजी सेवा, ल्याब, सर्जरी डेन्टल सेवा स्तरोन्नति गरी बाहिर परीक्षणका लागि जाने अवस्थालाई रोक्नुपर्ने भनिएको छ।

मागपत्र निर्देशकलाई सम्बोधन गरी पठाए पनि बोधार्थ स्वास्थ्य तथा जनसंख्या मन्त्रालयलाई समेत दिइएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

विवादपछि स्थगित अखिल क्रान्तिकारीको मतगणना १२ बजेदेखि पुनः सुरु हुँदै

प्रमुख दलका मुख्य र प्रमुख सचेतकसँग छलफल गर्दै सभामुख घिमिरे

रियल मड्रिडलाई हराउँदै बार्सिलोनाले जित्यो महिला स्पेनिस सुपर कप