बैतडीमा जिप दुर्घटनाः दुई जनाको मृत्यु, चार जना घाइते

समाचार

नेपाल लाइभ शनिबार, माघ १२, २०८१ १३:१५

काठमाडौँ – बैतडी जिप दुर्घटनामा परी दुई जनाको मृत्यु भएको छ । जिल्लाको सिगास गाउँपालिका–१ माडौमा शनिबार बिहान जिप दुर्घटनामा परी दुई जनाको मृत्यु भएको हो भने चार जना घाइते भएका छन् ।
सु.प.प्र. ०१००१ च ४०२८ नम्बरको जिप सडकबाट अन्दाजी ५ सय मिटर तल खस्दा सिगास गाउँपालिका–१ इरानाका १४ वर्षीया जयन्ती धामी र १९ वर्षीया पार्वती धामीको उपचारका क्रममा डडेल्धुरा अस्पतालमा मृत्यु भएको जिल्ला प्रहरी कार्यालय बैतडीका प्रहरी निरीक्षक बलराम पाण्डेले जानकारी दिए ।
दुर्घटनामा सिगासकै ४० वर्षीय तुलसी धामी, १६ वर्षीया निरा धामी, १८ वर्षीया कमला धामी, र १४ वर्षीया भागरथी धामी घाइते भएका छन् । गम्भीर घाइते उनीहरूको डडेल्धुरा अस्पतालमा उपचार भइरहेको छ ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

रविलाई १ करोड धरौटीमा छाड्न आदेश

अमेरिकाको विदेशी सहायता रोक्ने निर्णय: नेपालमा कस्तो असर पर्छ?

नक्कली भुटानी शरणार्थी प्रकरण: बेचन झाको कागजात मगाउन सर्वोच्चको आदेश