भाटभटेनी सुपरमार्केटको कर प्रणाली ह्याक गरेको आरोपमा दुई जना पक्राउ

समाचार

नेपाल लाइभ शुक्रबार, माघ ११, २०८१ १६:३४

काठमाडौं – भाटभटेनी सुपर मार्केटको कर प्रणाली ह्याक गरेको आरोपमा दुई जना पक्राउ परेका छन् । पक्राउ पर्नेमा पर्वत घर भइ हाल चितवन बस्दै आएका सन्तोष पराजुली र गोरखाका परिन पाण्डे रहेका छन् ।

भाटभटेनी सुपरमार्केटको एकीकृत कर प्रणालीको यु्जर नाम र पासवर्डमा पहुँच पुर्‍याएर कर दाखिलाको विवरण फरक पारेको आरोप उनीहरुमाथि छ । दुवै जनालाई नेपाल प्रहरीको केन्द्रीय अनुसन्धान ब्यूरो (सीआईबी) ले चितवनबाट पक्राउ गरेको छ । चितवनमा अडिट फर्म चलाएर बस्ने उनीहरूलाई भाटभटेनीले गरेको उजुरीपछि पक्राउ गरेर उनीहरुविरुद्ध अनुसन्धान थालिएको छ ।

भाटभटेनीले ६ करोड २६ लाख ९४ हजार रुपैयाँ कर तिर्नु पर्नेमा प्रणालीमा गलत सूचना थप गरेर त्यसलाई १३ करोड पुर्‍याइएको प्रहरीको दाबी छ । ‘कुल बिक्री २ अर्ब ३४ करोड १६ लाख ४२ हजारको ६ करोड २६ लाख ९४ हजार हुनु पर्नेमा १३ करोड ९ लाख ५९ हजार पुर्‍याइएको पाइयो,’ सीआईबीले प्रतिवेदनमा भनेको छ ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

सुक्खा हिउँदले आफूहरूलाई मार परेको बिजुली उत्पादकहरूको गुनासो

जनस्वास्थ्य सुरक्षाका लागि कुष्ठरोगी र हात्तीपाइले प्रभावितलाई स्वास्थ्य बीमा

जङ्गली रातो बाँदर 'कृषि हानिकारक वन्यजन्तु' घोषणा, के के छन् सर्तहरु?