एआई प्रवर्द्धनमा ५०० अर्ब डलर लगानी गर्ने ट्रम्पको घोषणा

विश्व

नेपाल लाइभ बुधबार, माघ ९, २०८१ १७:२०

काठमाडौं –अमेरिकी राष्ट्रपति डोनाल्ड ट्रम्पले अमेरिकामा आर्टिफिसियल इन्टेलिजेन्स (एआई) को पूर्वाधार प्रवर्द्धन गर्न ठूलो मात्रामा लगानी गर्ने घोषणा गरेका छन्।

बीबीसीका अनुसार ट्रम्पले एआई प्रवर्द्धन गर्न ५०० अर्ब डलरको लगानी गरिने बताएका हुन्।

ट्रम्पले सफ्टबैंकका प्रमुख कार्यकारी अधिकृत मासायोसी सन, ओपेनएआईका प्रमुख साम अल्टम्यान र ओर्‍याकलका अध्यक्ष ल्यारी एलिसनसँगै ह्वाइट हाउसमा स्टारगेट परियोजना उद्घाटन गरेका हुन्।

ट्रम्पले यसका लागि पूर्वराष्ट्रपति जो बाइडेनले जारी गरेको एआईसम्बन्धी कार्यकारी आदेशलाई उल्ट्याई दिएका छन्।

आगामी पाँच वर्षमा प्रविधि क्षेत्रका ठूला कम्पनीहरू ओर्‍याकल, ओपन एआई र सफ्टबैंकले गर्नेछन्।

ओपन एआई कम्पनीका प्रमुख साम अल्टम्यानले यसलाई यो युगको सबैभन्दा महत्वपूर्ण परियोजनाको संज्ञा दिएका छन्। उनको भनाइ छ, ‘यो ट्रम्पबिना सम्भव हुने थिएन।‘

सफ्टबैंक कम्पनीका मासायोसी सनले ट्रम्पका भनाइलाई दोहोर्‍याउँदै भने, ‘यो अमेरिकाको स्वर्ण युगको सुरुवात हो।‘

यस कम्पनीले १ लाख भन्दा बढीलाई रोजगारी दिने भनिएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

ट्रम्पले समावेशी कर्मचारीहरुलाई दिए तलबी बिदा

सुप्रिम सहकारी प्रकरण: रवि लामिछानेलाई पत्नी र वकिलको जिम्मामा छाडियो

नागरिकमा आशा जगाउने काम गरिरहेका छौँ: उपप्रधानमन्त्री सिंह