राप्ती नदीमा गोही गणना सुरु

समाचार

नेपाल लाइभ मंगलबार, माघ ८, २०८१ १५:०९

बाँके– बाँकेको राप्ती नदीमा घडियाल गोहीको गणना सुरु गरिएको छ।

प्रत्येक वर्षझैँ यस वर्ष पनि राप्ती नदीमा छाडिएका घडियाल गोहीको सर्वेक्षण तथा निरीक्षणका साथै गणना सुरु गरिएको हो।

बाँके राष्ट्रिय निकुञ्जका सूचना अधिकारी संरक्षण अधिकृत मन्दीप पँगेनीका अनुसार राप्ती नदीमा यसअघि पटक–पटक छाडिएका घडियाल गोहीको पनि गणना कार्य हुँदै आएको छ।

“गोहीको अवस्थाको जानकारी लिनका लागि गणना सुरु गरेका छौँ”, उनले भने, “शनिबार दुई घडियाल गोही र एउटा मगर गोही फेला पार्यौँ, नदीमा गोही रहनसक्ने सम्भावित क्षेत्रमा सर्वेक्षण गरेर उनीहरूको अवस्थाबारे जानकारी लिँदैछौँ।”

गणना गर्नका लागि निकुञ्जका कर्मचारीसहित समुदायका केही ‘सिटिजन साइन्टिस्ट’ सहभागी रहेको उनको भनाइ थियो। “गोहीको संरक्षण गर्ने दायित्व स्थानीय समुदायको पनि भएको हुनाले हामीले स्थानीय समुदायका केही व्यक्तिलाई यसका बारेमा तालिम दिने र विभिन्न कार्यक्रममा सहभागी बनाएर उनिहरूलाई गोही संरक्षणका बारेमा जानकारी दिने गरेका छौँ”, उनले भने, “गोहीको गणनामा पनि स्थानीय समुदायका केही सिटिजन साइन्टिस्टलाई सहभागी बनाएका छौँ, यसबाट उनिहरूले गोहीका बारेमा थप जानेछन् र गोही संरक्षणमा उनिहरू अग्रसर हुनेछन्।”

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

निर्यात ३१ प्रतिशतले बढ्दा पनि व्यापार घाटा उच्च

जनता हाम्रो प्राथमिकता हो, सरकार होइन : अध्यक्ष प्रचण्ड

यि हुन् ट्रम्पले शपथग्रहणका क्रममा गरेका भाषणका पाँच मुख्य विषय