काठमाडौं– भारतीय टेलिभिजन अभिनेता करणवीर मेहरा रियालिटी शो ‘बिग बोस-१८’ को विजेता बनेका छन्।
विजेता बनेसँगै उनले सुनको ट्रफीसहित ५० लाख भारु नगद पाए। गत वर्ष पनि उनले अर्को शो ‘खतरों के खिलाडी-१४’ को उपाधि पनि जितेका थिए।
करणवीरले भिभियन डिसेना, रजत दलाल, अविनाश मिश्र, ईशा सिंह र चुम दराङलाई पराजित गर्दै उपाधि हात पारेका हुन्। फिनालेमा सबैभन्दा पहिले इशा सिंह बाहिरिएकी थिइन् भने त्यसपछि कम मत पाएकी चुम दराङ बाहिरिइन्। अविनाश मिश्र बाहिरिएपछि भिभियन, करण र रजत दलाल टप ३ मा रहे।
दिल्लीका करणवीर मेहराले टिभी शो, वेब सिरिज र फिल्ममा काम गरेका छन्। सन् २००५ मा उनले अभिनय करिअर सुरुवात गरेका थिए।
दुई पटक विवाह गरिसकेका करणवीर अहिले सिङ्गल छन्।सन् २००६ मा उनी दुर्घटनामा परेका थिए। यही क्रममा उनी रक्सीको लतमा परे र डिप्रेसनमा समेत पुगेका थिए।
उनले सन् २००५ मा चर्चित टिभी शो ’रिमिक्स’बाट अभिनय करिअर थाले। उक्त शोमा उनले आदित्यको भूमिका निर्वाह गरेका थिए। त्यसपछि उनी ‘साथ रहेगा सदैव’, ‘सती…सत्य की शक्ति’, ‘विरुद्ध’, ‘हम लडकियाँ’, ‘बेहेनीन’ र ‘पवित्र रिश्ता’ जस्ता टिभी शोमा देखिएका छन्। ‘
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
