सल्यानमा दिदी बहिनी घरभित्रै मृत भेटिए, घटना शंकास्पद

सुरक्षा/अपराध

नेपाल लाइभ बुधबार, पुस २४, २०८१ १७:१८

सल्यान– सल्यानमा दिदीबहिनी नै घरभित्र मृत अवस्थामा भेटिएका छन्।

मृत भेटिनेमा बनगाड कुपिण्डे नगरपालिका–११, सिस्नेपालत भन्ने गाउँकी ३ वर्षीय करिष्मा राना र उनकी ६ महिनाकी बहिनी राघवी राना रहेका छन्।

जिल्ला प्रहरी कार्यालय सल्यानका सूचना अधिकारी रमेश क्षेत्रीका अनुसार घटना बुधबार बिहानको हो। उनीहरुका बाबु टेकमान राना रोजगारीका सिलसिलामा जिल्ला बाहिर रहेको र आमा पुर्णिमा राना घरमै भए पनि घटनाबारे अझै खुलिनसकेको उनको भनाइ छ।

स्वास्थ्यमा कुनै समस्या नरहेको उनीहरु मृत अवस्थामा फेला परेकोले घटना शङ्कास्पद रहेको क्षेत्रीले बताए।

‘घटना शङ्कास्पद नै छ, नजिकको प्रहरी गएर घटनास्थल सुरक्षित राखिरहेको छ,’ क्षेत्रीले भने, ‘अहिले म पनि जाँदै छु, बाटोमा छु।’ अनुसन्धानपछि मात्रै सबै कुरा भन्न सकिने उनले बताए।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

लामिछानेसहितको मुद्दामा सरकारी वकिलले जवाफी बहस गर्दै, आजै थुनछेक आदेश आउने सम्भावना, अदालत क्षेत्रको सुरक्षा कडा

पूर्णिमाले स्वीकारिन् २ छोरीको हत्या

सूर्यदर्शन सहकारी ठगी प्रकरण : आजै थुनछेक सम्बन्धि आदेश आउने सम्भावना