काठमाडौं– महिलाका निम्ति महिला मञ्च नेपालले मनोरञ्जन तथा सत्कार क्षेत्रको समस्या राजनीति मुद्दा बन्नुपर्नेमा महिलाका निम्ति महिला मञ्चको जोड दिएको छ । भाद्र ३१ गते सम्पन्न मञ्चको १५ औं वार्षिक साधारण सभामा यस विषयमा जोड दिइएको हो।
संस्थापक अध्यक्ष एवं कार्यकारी निर्देशक सृजना पुनले मनोरन्जन तथा सत्कार क्षेत्रको मद्दा राजनैतिक मुद्दा बन्न नसक्दासम्म पिछडिएका श्रमिक वर्गको उत्थान हुन नसक्ने बताइन्। संस्था स्थापनाको पृष्ठभूमि सहित संस्थाले हालसम्म गरेका काम र आगामी योजनाका विषयमा समेत उनले प्रस्तुति दिएकी थिइन्।
कार्यक्रम निर्देशक पुनले महिला भएकै कारणले महिलामाथि हुने विभेद चुनौतीको रुपमा रहेका बताउँदै उनले संस्थालाई आगामी दिनमा अझ प्रभावकारी बनाउने र निरन्तर अभियान चलाउने बताइन् । सबै सरोकारवाला निकाय संगको समन्वय सहकार्य र साझेदारीमा अग्रसर भइरहने प्रतिवद्धता समेत व्यक्त गरेकी छिन् ।
शुभकामना मन्तव्य राख्दै राष्ट्रिय दलि आयोगकी सदस्य मिनादेवि सोबले मनोरञ्जन क्षेत्रका श्रमिकका सवालमा काम गरिरहेको मञ्चको प्रमुख अतिथि बन्न पाउँदा खुसी लागेको बताइन् । उनले भनिन्, ‘अझैपनि मनोरन्जन तथा सत्कार क्षेत्रको श्रमिकले जातीय विभेद भोगिरहेको अवस्था छ। यस सम्बन्धि आयोगमा उजुरीहरु आएतापनि विभिन्न प्रभावमा परी विचमै मिलिदिने गरेको पाइन्छ।’
उनले दलित आयोगमा मनोरन्जन तथा सत्कार क्षेत्रका श्रमिकको न्यून पारिश्रमिकको केश पनि आउने गरेको जानकारी दिइन् ।
कार्यक्रममा महिलाको निम्ति महिला मञ्चकी आजीवन सदस्य, दोहोरी गायिका तथा गोरखा जिल्ला धार्चे गाउँपालिकाकी उपाध्यक्ष सुनिला गुरुङ्गले व्यवस्था बदलिए पनि महिलाको अवस्थामा अझै तात्विक परिवर्तन आउन नसकेको बताइन्। उनले महिलाहरु माथि हरेक क्षेत्रमा विभेद रहेको र महिलालाई अझैपनि नेतृत्व तहमा स्विकार गर्न नचाहने पितृसत्तात्मक सोच हाबी रहेको बताइन् । ‘महिलाको संख्यामा मात्रै बहुमत नभई अब हरेक नेतृत्वदायी भुमिकामा महिला अघि बढ्ने अवस्था बनाउनको लागि घरबाटै सुरु गर्नुपर्ने अवस्था रहेको छ,’ उनले भनिन् ।
कोषाध्यक्ष विपना गुरुङले आर्थिक लेखा तथा प्रशाशनिक प्रतिबेदनको प्रस्तुत गरिन्। कार्यक्रमकी सहजकर्ता रसना ढकालले नीतिगत संवादको आवश्यक्ता स्पष्ट पार्दै मञ्चले मनोरन्जन तथा सत्कार क्षेत्रको श्रमिक महिलाको सामाजिक आर्थिक अवस्था र कानुन कार्यान्वयनको अवस्था विषयमा सम्पन्न सर्वेक्षण प्रतिवेदन, प्रतिवेदनले तीन तहको सरकारलाई गरेको सिफारिस, महिला इजलासको फैसला र सर्वोच्च अदालतमा मनोरन्जन तथा सत्कार क्षेत्रको श्रमिकको लागि छुट्टै नियमावली र निशुल्क स्यानेटरी प्याडको माग सहित पेश गरिएको रिटको विषयमा जानकारी गराएकी थिइन्। उनले मनोरन्जन तथा सत्कार क्षेत्रमा श्रम ऐनको प्रभावकारी कार्यान्वयन नभएको, श्रमिकले श्रम ऐन अनुसार तलब, विदा, नियुक्तिपत्र, सम्झौतापत्र लगाएतको सुविधा नपाएको र समाजले यस क्षेत्रको श्रमिकलाई हेर्ने दृष्टिकोण अझै सकारात्मक हुन नसकेको जानकारी दिएकी थिइन्।
कार्यक्रममा काठमाण्डौं महानगरपालिका वडा नं ३२ का वडा सदस्य भगवान बुढाथोकी, ललितपुर महानगरपालिका वडा नं १५ का वडा सदस्य बैकुण्ठ राउत, मानव वेचविखन तथा अनुसन्धान व्युरोका प्रहरी निरिक्षक प्रशान्त तामाङ्ग र नेपाल स्वतन्त्र होटल क्यासिनो रेष्टुरेण्ट मजदुर युनियनका अध्यक्ष लक्ष्मण तिवारीले शुभकामना दिंदै श्रमीकको सवालमा निरन्तर समन्वय र सहकार्य गर्न प्रतिवद्धता व्यक्त गरे ।
कार्यक्रममा वोफोवन सास्कृतिक समूहले स्वागत नृत्य प्रस्तुत गरेका थिए । कार्यक्रम संयोजक र परियोजना अधिकृत सरिता थापा र वर्षा लुइँटेलले सम्पूर्ण अथितिलाई व्याच वितरण गरेका थिए । संस्थाका उपाध्यक्ष विष्णु श्रीपालीले संस्थागत मन्तव्य सहित संस्थाका सदस्य र आमन्त्रीत अतिथिहरूलाइ स्वागत गरेकी थिइन् । यसैगरी संस्थाकी कार्यसमिति सदस्य सपना भुलुनले कार्यक्रमको उद्देश्य बारे प्रस्ट पारेकी थिइन् । संस्थामा ८२१ जना सदस्य रहेका छन् ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
