काठमाडौं– इजरायलस्थित नेपाली राजदूतावासले इजरायलमा रहेका नेपालीका लागि ‘एडभाइजरी’ जारी गरेको छ।
दूतावासले इजरायलको ताजा अवस्थालाई मध्यनजर गर्दै त्यहाँ रहेका नेपालीहरुलाई सुरक्षित रहन र सुरक्षा निकायको निर्देशन पालना गर्न अनुरोध गरेको छ।
गाजासँगको सीमाना लगायतका विभिन्न क्षेत्रमा हाल द्वन्द्व चलिरहेकाले त्यहाँ रहेका नेपालीका लागि दूतावासले सूचना जारी गरेको हो।
साथै अप्ठ्यारोमा परेका नेपाली नागरिकलाई उद्धारका लागि निरन्तर इजरायलका सुरक्षा निकाय तथा अधिकारीहरुसँग समन्वय गरिरहेको पनि दूतावासले जनाएको छ।
साथै परिस्थिति अफ्ठ्यारो भएकाले कुनै खालका नकारात्मक सन्देश जाने गरी सामाजिक सञ्जालमा प्रचार नगर्न पनि अनुरोध गरिएको छ। दूतावासले अप्ठ्यारोमा परेकाहरुका लागि सम्पर्क गर्न दुई वटा टेलिफोन पनि उपलब्ध गराएको छ।
दूतावासका प्रथम सचिव अर्जुन घिमिरे 052-8289300 र सहचारी सञ्जयकुमार शाह 054-5582077 को नम्बरमा सम्पर्क गर्न अनुरोध गरिएको छ।
यस्तै एनआरएनए इजरायलका अध्यक्ष श्रीकृष्ण भण्डारीले पनि अप्ठ्यारोमा परेकाहरुको सम्पर्कमै रहेको बताएका छन्।
सामाजिक सञ्जालमा सूचना शेयर गर्दै भण्डारीले आवश्यकता हेरेर इजरायली सुरक्षाकर्मीहरुको सहयोगमा उद्धार भइरहेको बताएका छन्।
रकेट आक्रमण भइरहेका स्थानमा रहेका नेपालीहरुलाई उनले साइरन बज्नेबित्तिकै वंकर वा सुरक्षित स्थलमा जान अनुसार गरेका छन्।
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।
![सय दिने प्रगति विवरण सार्वजनिक गर्दै प्रधानमन्त्री केपी ओली [प्रत्यक्ष प्रसारण]](https://nepallive.net/uploads/posts/500X300/kllllllllll-1729675876.jpg)
![Nepal Live Samachar नेपाल लाइभ समाचार, भदौ १९ [भिडियाे]](https://nepallive.net/uploads/posts/500X300/samachar++-1725458095.jpg)
![प्रधानमन्त्रीसँग प्रश्नोत्तर [प्रत्यक्ष प्रशारण]](https://nepallive.net/uploads/posts/500X300/PMM-(1)-1718866650.jpg)
![भारत भ्रमणबारे प्रतिनिधि सभा बैठकमा जवाफ दिँदै प्रधानमन्त्री प्रचण्ड [प्रत्यक्ष प्रशारण]](https://nepallive.net/uploads/posts/500X300/prachanda-sansad-1710309847.jpg)
![Nepal Live Samachar नेपाल लाइभ समाचार, जेठ ३० [भिडियाे]](https://nepallive.net/uploads/posts/500X300/samachar++-copy.jpg-30-1718203418.jpg)
