प्रतिकात्मक तस्बिर
ब्लन्डी ड्रमर क्लेम बर्क ब्रिटेनका स्कूलहरुको कोर्ष (पाठ्यक्रम)मा ड्रम (ढोलकजस्तो बाजा) बजाउने विषय सामेल गराउनुपर्ने बताउँछन्। ड्रम बजाउने कार्य अटिजमको समस्यासँग जुझिरहेका बालबालिकाका लागि धेरै उपयोगी साबित हुनसक्ने अध्ययनले देखाएको छ।
क्लेम बर्कको ड्रमिंग प्रोजेक्टका लागि गरिएको अध्ययनअनुसार हप्तामा ९० मिनेटसम्म ड्रम बजाउँदा बच्चाहरुलाई धेरै फाइदा पुग्न सक्छ। अध्ययनका दौरान गरिएको प्रयोगमा ड्रम बजाउन सिकिरहेका बालबालिकाले आफ्नो भावनाहरुमाथि धेरै नियन्त्रण राखेको पाइयो। बालबालिकामा उच्च सक्रियताका देखिनुका साथै ध्यान गुमाउने र पटक पटक एउटै कुरा दोहोर्याउने प्रवृत्तिमा धेरै सुधार भएको देखियो।
बर्कको भनाइ छ, ‘अध्ययनबाट यो देखियो कि ड्रम बजाउँदा दिमाग कसरी सकारात्मक रुपले काम गर्न सक्छ, कसरी यो अटिजम अरु सामाजिक तथा भावनात्मक समस्यासँग जुझिरहेका बच्चाहरुलाई सहयोग गर्न सक्छ।’
ब्लन्डी ड्रमर क्लेम बर्क (गेट्टी ईमेज)
बर्क मान्छन् कि अहिले स्कूलहरुलाई पनि धेरै दबाब छ। किनकि सामाजिक तथा भावनात्मक समस्याका साथै सिकाइमा कठिनाइ झेल्ने बच्चाहरुको संख्या पनि धेरै बढिरहेको छ। उनी भन्छन्, ‘ड्रम बजाउने संक्षिप्त सत्र पाठ्यक्रममा जोडियो भने कम खर्च तथा प्रयासमै धेरै ठूलो फरक ल्याउन सकिन्छ।’ ड्रम बजाएर नै बच्चाहरुले अटिजमविरुद्धको लडाइँमा राम्रो नतिजा दिन सक्ने उनी बताउँछन्।
ब्रिटेनका स्कूलहरुमा १ लाख ६६ हजार बालबालिका अटिजमबाट पीडित छन्। २०२० को तुलनामा २०२२ मा यो संख्या करिब ८ प्रतिशतले बढी हो।
पीडित बच्चमाध्ये ७० प्रतिशत बालबालिका मूलधारका स्कूलहरुमा पढ्छन्। तर दुई तिहाई बच्चाका अभिभाबकलाई लाग्छ कि उनका बालबालिकाले आवश्यकता पूरा हुन सकिएको छैन।
अध्ययनको एक हिस्साको रुपमा १६ देखि २० वर्ष उमेरका किशोरलाई २ महिनासम्म हप्तामा ४५ मिनेट ड्रम बजाउन दिइयो। ती किशोरहरुले त्यसअघि कहिल्यै ड्रम बजाएका थिएनन्।
ती किशोरहरुको ड्रम बजाउनु पहिले र ड्रम बजाउन थालेपछिको एमआरआई स्क्यान गरियो। प्रयोगको नतिजाबाट देखियो कि जुन किशोरले ड्रम बजाउन थाले उनीहरुको स्थितिमा धेरै सुधार भयो। एमआरआईका नतिजामा ति किशोरहरुको दिमागको काममा स्पष्ट सुधार देखियो, जो उनीहरुको पूर्ण व्यवहारमा पनि महसुस गर्न सकिन्थ्यो।
त्यसपछि पुरै ब्रिटेनको स्कूलहरुमा केही अरु प्रयोग गर्न थालिँदैछ ताकि सुरुवाती आंकडाको पुष्टि गर्न सकियोस्। एनआर/एसबी (एएफपी)
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1770562345.jpg)
