दुबई- साउदी अरबमा पहिलो पटक महिला अधिकारकर्मीहरूलाई मृत्युदण्डको माग गरिएको छ।
सार्वजनिक अधिकारको पक्षमा आवाज उठाइरहेका महिला अधिकारकर्मीसहित पाँच जनाका विरुद्धमा मृत्युदण्डको माग गरिएको हो।
सुन्नीको नियन्त्रणमा रहेको र तेलको पर्याप्त खानी रहेको पूर्वी प्रान्त शिया क्षेत्रमा विरोध प्रदर्शन गरेकाहरूलाई मानवअधिकार उल्लङ्घन गरेको आरोप लगाइएको छ।
सन् २०११ देखि पूर्वी प्रान्तमा प्रदर्शन गर्दै आइरहेकी महिला अधिकारकर्मी इश्रा अल गोमघाम मानवअधिकार हननसम्वन्धी अभियोगमा मृत्युदण्डको सजाय तोकिने पहिलो महिला भएकी छन्।
उनलाई सन् २०१५ को डिसेम्बर महिनामा उनकै घरबाट श्रीमान्सहित नियन्त्रणमा लिइएको एमनेस्टी इन्टरनेसनल र ह्युमन राईट्स वाचले यसै हप्ता छुट्टाछुट्टै सूचनामार्फत जनाएका छन्।
'सरकार विरोधी प्रदर्शनमा संलग्न भएको अभियोगमा इश्रासहित पाँच जनाले अहिले भयावह दण्ड सजाय भोगिरहेका छन्,' एम्नेटीका मध्यपूर्व निर्देशक समाह हाडिडले भने।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1789631269.jpg)
